Header Ads

ລວມຍອດບໍລິຈາກຜູ້ປະສົບໄພບັນລຸຮ້ອຍຕື້ກວ່າກີບ




ທ່ານ ບຸນທະມາລີ ໝັ້ນ ອານົງ ຫົວໜ້າພະແນກການ ເງິນແຂວງ ຮັບຜິດຊອບອະນຸ ກຳມະການເສດຖະກິດຜູ້ປະ ສົບໄພພິບັດນໍ້າຖ້ວມ ຢູ່ແຂວງ ອັດຕະປື ໄດ້ໃຫ້ສຳພາບຕໍ່ສື່ ມວນຊົນ ເມື່ອວັນທີ 24 ສິງຫາ ຜ່ານມາ ກ່ຽວກັບສະພາບລາຍ ຮັບ-ລາຍຈ່າຍທີ່ໄດ້ຮັບຈາກ ການປະກອບສ່ວນຂອງທົ່ວສັງ ຄົມ ເລີ່ມແຕ່ວັນທີ 24 ກໍລະ ກົດ ເປັນຕົ້ນມາເຊັ່ນ: ສະພາບ ລາຍຮັບມາຮອດປັດຈຸບັນ ສາມາດສະຫຼຸບໄດ້ 109 ຕື້ກີບ ໃນນັ້ນ ມີເງິນສົດປະມານ 40 ຕື້ກວ່າກີບ ເປັນວັດຖຸປະມານ 68,8 ຕື້ກີບ,ດ້ານລາຍຈ່າຍ ມາ ຮອດປັດຈຸບັນໄດ້ຈ່າຍໄປແລ້ວ 15 ຕື້ກວ່າກີບ. 

ທ່ານຍັງໃຫ້ຮູ້ຕື່ມອີກວ່າ: ກ່ຽວກັບບັນຫາສະພາບດ້ານ ລາຍຮັບຂອງຄະນະຂອງພວກ ເຮົາກໍໄດ້ມີກົນໄກຈັດຕັ້ງປະຕິ ບັດລາຍຮັບທີ່ມີຄວາມຮັບຜິດ ຊອບສູງ ໂດຍສະເພາະ ແມ່ນ ໄດ້ເອົາທະນາຄານການຄ້າ ຕ່າງປະເທດລາວ ມະຫາຊົນ ສາຂາອັດຕະປືເຂົ້າມາຕິດ ຕາມ ແລະ ຮັບເງິນໂດຍກົງໂດຍມອບເຂົ້າບັນຊີຄັງຂອງ ແຂວງ ຖືວ່າອະນຸກຳມະການ ຂອງພວກເຮົາບໍ່ໄດ້ຮັບເງິນສົດ ໃນແຕ່ລະມື້ຮອດເວລາ 15 ໂມງ ໄດ້ມີການສະຫຼຸບລາຍ ງານການນຳແຂວງ ແລະ ສູນ ກາງ ໂດຍສະເພາະແມ່ນກະ ຊວງການເງິນ. 

ດ້ານລາຍຈ່າຍກໍໄດ້ມີ ການຄຸ້ມຄອງເປັນລະບົບ ໂດຍ ສະເພາະໜ່ວຍງານທີ່ກ່ຽວຂ້ອງ ເຊັ່ນ: ພະນັກງານການເງິນ ແລະ ພະນັກງານຫ້ອງວ່າການ ປົກຄອງແຂວງ ໄດ້ມີການປະ ສານສົມທົບກັນ, ແຕ່ເຖິງແນວ ໃດກໍດີດ້ານລາຍຈ່າຍແມ່ນໄດ້ ເນັ້ນໃສ່ການປະຢັດມັດທະຍັດ ເພື່ອຮັບປະກັນໃຫ້ວຽກງານໄດ້ ຮັບຜົນສຳເລັດຕາມຄາດ ໂດຍສະເພາະອັດຕາກິນຂອງ ພະນັກງານລົງເຮັດວຽກປະຈຳ ຢູ່ເມືອງສະໜາມໄຊ ແມ່ນບໍ່ມີ ເງິນອັດຕາກິນ ໃຫ້ກິນລວມ ນອນລວມ. ມີແຕ່ອະນຸຍາດ ຈັດຊື້ປະເພດອາຫານສະໜອງ ໃຫ້ຂັ້ນເມືອງ ແລະ ແຂວງຈັດ ຊື້ຕິດພັນກັບອຸປະກອນທີ່ຈຳ ເປັນຂອງໜ່ວຍງານອະນຸກຳ ມະການຕ່າງໆ ເພື່ອຄວາມສະ ດວກ ແລະ ຮັບປະກັນບໍ່ໃຫ້ ວຽກຕົກຄ້າງ. ທ່ານຍັງໃຫ້ຮູ້ຕື່ມອີກວ່າ: ວຽກງານສະຫຼຸບສຳລັບຂັ້ນ ເມືອງແມ່ນແຂວງໄດ້ຈັດສົ່ງ ພະນັກງານຂະແໜງການລົງ ມາຊ່ວຍອະນຸກຳມະການເສດ ຖະກິດຂັ້ນເມືອງ ເພື່ອຄຸ້ມຄອງ ຕິດຕາມລາຍຮັບລາຍຈ່າຍຄື ແຂວງທີ່ກຳລັງປະຕິບັດຢູ່ນີ້ ມາຮອດປັດຈຸບັນນີ້ສາມາດສະ ຫຼຸບໄດ້ວ່າ: ອະນຸກຳມະການ ເສດຖະກິດຂັ້ນເມືອງ ແລະ ແຂວງ ແມ່ນເຂົ້າສູ່ລະບົບແລ້ວ ມີການລາຍງານ ແລະ ສະຫຼຸບ ປະຈຳວັນສຳລັບງົບປະມານ ຕາມແຜນທີ່ທາງເມືອງສະເໜີ ໂດຍສ່ວນໃຫຍ່ແມ່ນຕິດພັນ ກັບອາຫານການກິນ, ອຸປະ ກອນກໍ່ສ້າງຈຳນວນໜຶ່ງ. ທ່ານ ຍັງຮຽກຮ້ອງເຖິງພາກສ່ວນ ຕ່າງໆ ທັງພາຍໃນ ແລະ ຕ່າງ ປະເທດຈົ່ງປະກອບສ່ວນຊ່ວຍ ເຫຼືອເທົ່າທີ່ຈະຊ່ວຍໄດ້ ເນື່ອງ ຈາກວ່າການຟື້ນຟູຊີວິດການ ເປັນຢູ່ຂອງປະຊາຊົນຜູ້ປະສົບ ໄພໃຫ້ກັບຄືນສູ່ສະພາບປົກ ກະຕິ ຕ້ອງໃຊ້ເວລາຍາວນານ ແລະ ຕ້ອງໃຊ້ງົບປະມານເປັນ ຈຳນວນຫຼວງຫຼາຍ, ພ້ອມທັງ ມສະແດງຄວາມຂອບໃຈມາ ຍັງທຸກໆທ່ານ ແລະ ບັນດາ ອົງການຈັດຕັ້ງຕ່າງໆ ພາຍໃນ ແລະ ຕ່າງປະເທດທີ່ໃຫ້ຄວາມ ຊ່ວຍເຫຼືອຜ່ານມາ.



ທີ່ມາ: ຫນັງສືພິມປະຊາຊົນ
© ໂຕະນໍ້າຊາຂ່າວ |  www.tonamcha.com
_____

No comments

Powered by Blogger.