Header Ads

ເຈົ້າແຂວງສະຫວັນນະເຂດ ລົງຕິດຕາມສະພາບ ພະຍາດໄຂ້ເລືອດອອກທີ່ບ້ານນາທອງ ເມືອງພິນ ແຂວງສະຫວັນນະເຂດ



ທ່ານ ສັນຕິພາບ ພົມວິ ຫານ ເຈົ້າແຂວງສະຫວັນນະເຂດ ພ້ອມຄະນະໄດ້ລົງຕິດ ຕາມເບິ່ງສະພາບລະບາດຂອງ ພະຍາດໄຂ້ເລືອດອອກຢູ່ທີ່ ບ້ານນາທອງຂອງເມືອງພິນ ໃນວັນທີ 18 ສິງຫາຜ່ານມາ ພ້ອມທັງແຈກຢາຍເຄື່ອງຊ່ວຍ ເຫຼືອແກ່ປະຊາຊົນບ້ານດັ່ງກ່າວ ໂດຍບ້ານນາທອງ ແມ່ນເປັນ 1 ໃນ 5 ບ້ານ ທີ່ພົບມີການລະ ບາດພະຍາດໄຂ້ຍຸງລາຍຫຼາຍ ແລະ ເກີດມີກໍລະນີເສຍຊີວິດ ຈາກພະຍາດໄຂ້ເລືອດອອກ ເຖິງ 2 ຄົນ.

ໃນການລົງເຄື່ອນ ໄຫວຄັ້ງນີ້, ກໍໄດ້ຮັບການຕ້ອນ ຮັບຈາກທ່ານ ຄຳມາດ ເນົາວົງ ພະຈັນ ເຈົ້າເມືອງໆພິນ ພ້ອມ ດ້ວຍຄະນະນຳຂອງເມືອງ,ອຳ ນາດການປົກຄອງບ້ານ ແລະ ພໍ່ແມ່ປະຊາຊົນຢ່າງອົບອຸ່ນ. ໃນໂອກາດນີ້, ທ່ານເຈົ້າ ເມືອງໆພິນ ໄດ້ລາຍງານໃຫ້ຮູ້ ກ່ຽວກັບສະພາບການຕ່າງໆ ພາຍໃນເມືອງວ່າ: ສຳລັບການ ເກີດພະຍາດໄຂ້ເລືອດອອກ ໃນເມືອງພິນ ແມ່ນໄດ້ພົບມີ ກໍລະນີທຳອິດໃນກາງເດືອນ ພຶດສະພາ ທີ່ເປັນຄົນບ້ານອະນຸ ສັນຍາ, ກໍລະນີທີ 2 ແມ່ນເກີດ ໃນເດືອນມິຖຸນາ ຈາກນັ້ນ, ກໍ ໄດ້ມີການເພີ່ມຂຶ້ນເລື້ອຍໆ ເພື່ອເປັນການຕອບໂຕ້ກັບສະ ພາບການດັ່ງກ່າວ, ທາງພະ ແນກສາທາລະນະສຸກແຂວງ ແລະ ເມືອງ ກໍຄືພາກສ່ວນທີ່ ກ່ຽວຂ້ອງ ໄດ້ພ້ອມກັນເລັ່ງໂຕ້ ຕອບກັບພະຍາດໄຂ້ເລືອດ ອອກ ໂດຍໄດ້ລົງກວດກາໜອງ ນໍ້າ ແລະ ທຳລາຍແຫຼ່ງເພາະ ພັນຍຸງລາຍ ພ້ອມນີ້ ກໍໄດ້ມີ ການພົ່ນຢາຂ້າຍຸງໃນ 5 ບ້ານ ທີ່ພົບມີການລະບາດຂອງໄຂ້ ເລືອດອອກຫຼາຍກວ່າໝູ່ຄື: 

ບ້ານພິນ, ນາທອງ, ອະນຸສັນ ຍາ, ເວີນຫົງຄຳ ແລະ ບ້ານປະ ສົງໄຊ ຊຶ່ງນຳໃຊ້ງົບປະມານ ເຖິງ 41 ລ້ານກວ່າກີບ ເຖິງວ່າ ຈະໄດ້ມີການຕອບໂຕ້ຢ່າງທັນ ການ ແຕ່ເນື່ອງຈາກວ່າຝົນຕົກ ແກ່ຍາວ, ການພົ່ນຢາກໍບໍ່ໄດ້ ຕາມກຳນົດ ແລະ ໄດ້ຮັບຜົນ ໜ້ອຍ ຈຶ່ງເຮັດໃຫ້ສະພາບການ ລະບາດຂອງພະຍາດໄຂ້ເລືອດ ອອກແກ່ຍາວອອກໄປອີກ ເຮັດໃຫ້ມາຮອດປັດຈຸບັນທົ່ວ ເມືອງພິນ ມີຜູ້ຕິດເຊື້ອໄຂ້ ເລືອດອອກຈຳນວນທັງໝົດ 353 ກໍລະນີ ຈາກຈຳນວນ 5 ບ້ານຂະຫຍາຍມາເປັນ 38 ບ້ານ ແລະ ມີຜູ້ເສຍຊີວິດຈາກ ພະຍາດດັ່ງກ່າວ 4 ຄົນ, ຍິງ 2 ຄົນ (ທົ່ວແຂວງມີຜູ້ເສຍຊີວິດ 6 ຄົນ), ສະເພາະບ້ານນາ ທອງ ກໍພົບມີກໍລະນີຜູ້ຕິດເຊື້ອພະ ຍາດ 59 ກໍລະນີ, ໃນນີ້ ມີຜູ້ ເສຍຊີວິດ 2 ຄົນ ຊຶ່ງທັງສອງ ສອງຄົນແມ່ນເປັນເດັກນ້ອຍ. 

ໃນໂອກາດນີ້, ທ່ານເຈົ້າ ຂວງສະຫວັນນະເຂດ ກໍໄດ້ ຮຽກຮ້ອງໃຫ້ອຳນາດການປົກ ຄອງ ແລະ ພໍ່ແມ່ປະຊາຊົນ ພາຍໃນບ້ານ ຈົ່ງໄດ້ເອົາໃຈ ໃສ່ໃນການປ້ອງກັນ ແລະ ຕ້ານ ພະຍາດລະບາດຕ່າງໆຕາມ ຄຳແນະນຳຂອງວິຊາການ ສາທາລະນະສຸກ ເພື່ອບໍ່ໃຫ້ມີ ການລະບາດຂອງພະຍາດໄຂ້ ເລືອດອອກທີ່ເຮັດໃຫ້ເກີດມີ ການສູນເສຍທັງຊັບສິນ ແລະ ຊີວິດ ຈາກນີ້ ກໍໃຫ້ກຽມພ້ອມ ໃນການຮັບມືກັບສະພາບປ່ຽນ ແປງຂອງດິນຟ້າອາກາດ ທີ່ມີ ການປ່ຽນແປງຢູ່ຕະຫຼອດເວລາ ໂອກາດນີ້, ທ່ານເຈົ້າແຂວງ ກໍ ໄດ້ມີການແຈກຢາຍຖົງເຄື່ອງ ຊ່ວຍເຫຼືອແກ່ປະຊາຊົນບ້ານ ນາທອງຈຳນວນ 279 ຖົງ, ມູນຄ່າ 32 ລ້ານກີບ. ເວລາຕໍ່ມາ ທ່ານ ສັນຕິ ພາບ ພົມວິຫານ ກໍໄດ້ລົງມອບ ເຄື່ອງອຸປະໂພກ-ບໍລິໂພກໃຫ້ ປະຊາຊົນບ້ານວັງບ່ວງ ເມືອງ ພິນ ຈຳນວນ 74 ຖົງ, ລວມມູນ ຄ່າ 8 ລ້ານກວ່າກີບ ຊຶ່ງພາຍ ໃນບ້ານມີ 74 ຫຼັງຄາເຮືອນ, ມີພົນລະເມືອງ 439 ຄົນ, ຈາກນັ້ນ, ຄະນະທ່ານເຈົ້າ ແຂວງ ກໍຍັງໄດ້ລົງຕິດຕາມ ກວດກາການກໍ່ສ້າງອ່າງເກັບ ນ້ຳຫ້ວຍອາໄກ້ ແລະ ລົງຢ້ຽມ ຢາມຄົນເຈັບທີ່ຕິດເຊື້ອພະ ຍາດໄຂ້ເລືອດອອກຢູ່ໂຮງໝໍ ເມືອງພິນ ພ້ອມທັງມອບເຄື່ອງ ຊ່ວຍເຫຼືອ, ທັງນີ້ ກໍເພື່ອໃຫ້ກຳ ລັງໃຈ ແກ່ຜູ້ທີ່ມາຮັບການຮັກ ສາປິ່ນປົວຢູ່ທີ່ໂຮງໝໍແຫ່ງດັ່ງ ກ່າວນຳອີກ . 



ທີ່ມາ: ຫນັງສືພິມປະຊາຊົນ
© ໂຕະນໍ້າຊາຂ່າວ | www.tonamchanews.com
_____


No comments

Powered by Blogger.