Header Ads

ບໍ່ຄຳເຊໂປນ ມອບເງິນພາສີຊັບພະຍາກອນແຮ່ທາດ ປະຈຳໄຕມາດ 2 ຈຳ­ນວນ 45.32 ຕື້​ກີບ



ທ່ານ ສະ­ໝານ ອະ​ເນ​ກາ ຜູ້­ອຳ­ນວຍ­ການ ແລະ ຜູ້​ຈັດ­ການ​ດ້ານ​ການ​ພົວ­ພັນ​ກັບ​ຜູ້​ມີ​ສ່ວນ​ຮ່ວມ​ບໍ­ລິ­ສັດ ລ້ານ​ຊ້າງ​ມີ​ເນ​ໂຣນສ໌ລິ​ມິ​ເຕັດ ບໍ່​ຄຳ-ທອງ​ເຊ​ໂປນ ມອບ​ເງິນ​ຄ່າ​ພາ­ສີ​ຊັບ­ພະ­ຍາ­ກອນ​ແຮ່​ທາດ ຈາກ​ການ​ຜະ­ລິດ-ຈຳ­ໜ່າຍ​ປະ­ຈຳ​ໄຕ​ມາດ​ທີ 2 ປີ 2018 ຈຳ­ນວນ 45,32 ຕື້​ກີບ ຫຼື ປະ­ມານ 5.331.494 ໂດ​ລາ​ສະ­ຫະ­ລັດ ໃນ​ວັນ​ທີ 28 ສິງ­ຫາ 2018 ຢູ່​ກະ­ຊວງ​ການ​ເງິນ ເຊິ່ງ​ຮັບ​ໂດຍ​ທ່ານ​ນາງ ກະ­ເສີມ​ສີ ພົມ​ມະ​ວົງ­ສາ ຫົວ­ໜ້າ​ກົມ​ຄຸ້ມ​ຄອງ​ຊັບ​ສິນ​ຂອງ​ລັດ ກະ­ຊວງ​ການ​ເງິນ.



ປີ 2018 ບໍ­ລິ­ສັດ ລ້ານ​ຊ້າງ​ມີ​ເນ​ໂຣນສ໌ລິ​ມິ​ເຕັດ ບໍ່​ຄຳ-ທອງ​ເຊ​ໂປນ ໄດ້​ປະ­ກອບ­ສ່ວນ​ຈ່າຍ​ເງິນ​ພາ­ສີ​ຊັບ­ພະ­ຍາ­ກອນ​ແຮ່​ທາດ 99,25 ຕື້​ກີບ ຫຼື ປະ­ມານ 11.681.740 ໂດ​ລາ​ສະ­ຫະ­ລັດ ຖ້າ​ນັບ​ແຕ່​ເລີ່ມ​ມີ​ການ​ຂຸດ​ຄົ້ນ-ປຸງ​ແຕ່ງ-ຜະ­ລິດ​ຄຳ-ທອງ ປີ 2003 ເປັນ­ຕົ້ນ​ມາ ບໍ­ລິ­ສັດ​ດັ່ງ­ກ່າວ ໄດ້​ປະ­ກອບ­ສ່ວນ​ພັນ­ທະ​ທີ່​ເປັນ​ລາຍ​ຮັບ​ໂດຍ​ກົງ​ໃຫ້​ລັດ­ຖະ­ບານ​ລາວ 11.896,87 ຕື້​ກີບ ຫຼື ປະ­ມານ 1,4 ຕື້​ໂດ​ລາ​ສະ­ຫະ­ລັດ ລວມ​ທັງ​ຄ່າ​ພາ­ສີ​ຊັບ­ພະ­ຍາ­ກອນ​ແຮ່​ທາດ​ທັງ​ໝົດ 1.099,58 ຕື້​ກີບ ຫຼື ປະ­ມານ 129.337.740 ໂດ​ລາ​ສະ­ຫະ­ລັດ.


ຂ່າວ: ນສພ ວຽງຈັນໃຫ່ມ
© ໂຕະນໍ້າຊາຂ່າວ |  www.tonamcha.com
_____



No comments

Powered by Blogger.