Header Ads

ມີລາຍງານຜູ້ເສຍຊີວິດ 2 ຄົນ ຈາກໄພພິບັດນໍ້າຖ້ວມທີ່ແຂວງຊຽງຂວາງ



ທ່ານ ຄຳແພງ ໄຊສົມ ແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ປະທານຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ພ້ອມດ້ວຍຄະນະກຳມະການປ້ອງກັນໄພພິບັດຂັ້ນສູນກາງ ໄດ້ລົງກວດກາສະພາບຜົນເສຍຫາຍຈາກໄພພິບັດນ້ຳຖ້ວມຢູ່ແຂວງຊຽງຂວາງ ເມື່ອບໍ່ດົນຜ່ານມາ. ໃນໂອກາດດັ່ງກ່າວ ທ່ານ ບຸນຕົ້ນ ຈັນທະພອນ ເຈົ້າແຂວງຊຽງຂວາງ ໄດ້ລາຍງານໃຫ້ຮູ້ວ່າ: ແຂວງຊຽງຂວາງ ເປັນແຂວງໜຶ່ງທີ່ໄດ້ຮັບຜົນກະທົບຈາກພາຍຸ ເນື່ອງຈາກຝົນຕົກໜັກຕິດຕໍ່ກັນຫຼາຍວັນໃນລະຫວ່າງເດືອນກໍລະກົດເຖິງສິງຫາ ປີ 2018 ເຮັດໃຫ້ປະຊາຊົນໄດ້ຮັບຜົນກະທົບຈາກນ້ຳ ຖ້ວມ ຊຶ່ງສົ່ງຜົນເສຍຫາຍຕໍ່ຊີວິດ, ຊັບສິນ, ພື້ນຖານໂຄງລ່າງ ແລະ ເນື້ອທີ່ທຳການຜະລິດຂອງປະຊາຊົນມາເຖິງປັດຈຸບັນສາມາດສັງລວມຜົນເສຍຫາຍເບື້ອງຕົ້ນ ຊຶ່ງນ້ຳຖ້ວມ ເຮືອນປະຊາຊົນບ້ານຊຽງແດດ, ບ້ານລັ້ງຈອງຂອງເມືອງພູກູດ, ບ້ານລາດງ່ອນເມືອງແປກ, ບ້ານ ພັກຫຼັກ ເມືອງໜອງແຮດ ທັງ ໝົດຈຳນວນ 98 ຫຼັງ. ໃນນີ້, ເປ່ເພເສຍຫາຍ 21 ຫຼັງ, ຍົກ ຍ້າຍຊົ່ວຄາວ 77 ຫຼັງ, ນ້ຳໄຫຼຊຸ, ດິນເຈື່ອນຖົມເຮືອນປະຊາຊົນ ບ້ານນ້ຳຈັດ, ບ້ານຢາຍເມືອງ ພູກູດ, ບ້ານຢວກມູນເມືອງ ໝອກ, ບ້ານພູເມືອງ ເມືອງຄຳ ເສຍຫາຍ 21 ຫຼັງ, ມີຜູ້ເສຍຊີ ວິດ 2 ຄົນ, ບາດເຈັບ 1 ຄົນ.
ເສັ້ນທາງເປ່ເພເສຍຫາຍຢູ່ທຸກໆ ເມືອງ ຈຳນວນ 75 ຈຸດ, ທາງ ຂາດ 13 ຈຸດ, ຂົວເປ່ເພ 14 ແຫ່ງ ໃນນີ້ ຂົວອູ 4 ແຫ່ງ, ຂົວເຫຼັກ 10 ແຫ່ງ. ປັດຈຸບັນຍັງມີຫຼາຍ ເສັ້ນທາງພາຫະນະບໍ່ສາມາດ ສັນຈອນໄປ-ມາໄດ້ເຊັ່ນ: ເສັ້ນ ທາງແຕ່ເມືອງຄູນຫາເມືອງ ໝອກ, ເສັ້ນທາງແຕ່ນ້ຳຈັດຫາ ບ້ານຊຽງແດດ, ເສັ້ນທາງແຕ່ ເຂດເຄິງຫາບ້ານລັ້ງຈອງເມືອງ ພູກູດ, ໜອງແຮດຫາເຂດບໍກໍ ບໍເຍຍ, ເສັ້ນທາງແຕ່ຍອດລ້ຽງ ຫາເຂດບ້ານສັນແຟນ, ວັງຊົງ ແລະ ເສັ້ນອື່ນໆ. ເຂື່ອນໄຟຟ້າ ຂະໜາດນ້ອຍແຕກ 1 ແຫ່ງ, ເສົາໄຟຟ້າໂຄ່ນລົ້ມ 27 ຕົ້ນ, ລະບົບຊົນລະປະທານເປ່ເພ 4 ແຫ່ງ, ລະບົບນ້ຳລິນເປ່ເພ 25 ແຫ່ງ, ໂຮງຮຽນເປ່ເພ 1 ຫຼັງ, ເນື້ອທີ່ນາຖືກນ້ຳຖ້ວມຢູ່ທຸກໆ ເມືອງ ຊຶ່ງປັດຈຸບັນຍັງບໍ່ສາ ມາດປະເມີນຜົນເສຍຫາຍໄດ້, ລໍຖ້າສະພາບນ້ຳຫຼຸດລົງ ແລະ ອາກາດປົກກະຕິ ຈຶ່ງຈະດຳ ເນີນການປະເມີນຜົນເສຍຫາຍ ເພື່ອເຮັດໃຫ້ການຟື້ນຟູຊີວິດ ການເປັນຢູ່ຂອງປະຊາຊົນ ແລະ ພື້ນຖານໂຄງລ່າງກັບຄືນສູ່ປົກ ກະຕິໂດຍໄວ ຄະນະກຳມະ ການປ້ອງກັນ ແລະ ຄວບຄຸມ ໄພພິບັດຂັ້ນແຂວງຈະໄດ້ເອົາ ໃຈໃສ່ສົມທົບກັບຄະນະກຳ ມະການຂັ້ນເມືອງ ສຸມໃສ່ວຽກ ຈຸດສຸມ ເປັນຕົ້ນຈັດສັນທີ່ຢູ່ອາ ໄສຖາວອນ ແລະ ສະໜອງວັດ ຖຸສົມທົບປຸກສ້າງໃຫ້ປະຊາຊົນ ຢູ່ບ້ານຢວກມູນ ເມືອງໝອກ ຈຳນວນ 9 ຄອບຄົວ, ບ້ານຊຽງ ແດດ 24 ຄອບຄົວ, ບ້ານນ້ຳ ຈັດ 5 ຄອບຄົວ, ບ້ານລັ້ງຈອງ ຈຳນວນ 15 ຄອບຄົວ, ບ້ານ ພູເມືອງ ເມືອງຄຳ ຈຳນວນ 2 ຄອບຄົວ, ບ້ານສັນຫຼວງ ເມືອງ ຄູນ ຈຳນວນ 1 ຄອບຄົວ, ບ້ານ ພັກຫຼັກ ເມືອງໜອງແຮດ ຈຳ ນວນ 18 ຄອບຄົວ.
ໃນໂອກາດລົງຕິດຕາມ ກວດເບິ່ງສະພາບຜົນເສຍຫາຍ ຈາກໄພພິບັດນ້ຳຖ້ວມຢູ່ແຂວງ ຊຽງຂວາງໃນຄັ້ງນີ້ ທ່ານ ຄຳ ແພງ ໄຊສົມແພງ ໄດ້ໃຫ້ທິດ ຊີ້ນຳຕໍ່ຄະນະກຳມະການປ້ອງ ກັນ ແລະ ຄວບຄຸມໄພພິບັດຂັ້ນ ແຂວງ ໂດຍສະເພາະແມ່ນ ຕ້ອງເອົາໃຈໃສ່ເຂົ້າ ໃນການ ຕິດຕາມຮັກສາສຸຂະພາບຂອງ ປະຊາຊົນ ກວດກາຜົນເສຍ ຫາຍຂອງເນື້ອທີ່ການຜະລິດ ບັນດາໂຮງຮຽນທີ່ໄດ້ຮັບຜົນ ກະທົບ ເພື່ອໃຫ້ລູກຫຼານໄດ້ ເຂົ້າໂຮງຮຽນກວດກາບັນດາ ເຮືອນຊານປະຊາຊົນເປ່ເພ ກະກຽມແນວພັນພືດ ເພື່ອສະ ໜອງໃຫ້ແກ່ປະຊາຊົນໃນການ ຜະລິດລະດູແລ້ງ ປັບປຸງບັນດາ ຊົນລະປະທານ ເນື້ອທີ່ການຜະ ລິດທີ່ໄດ້ຮັບຜົນກະທົບ ແລະ ອື່ນໆອີກ. ຈາກນັ້ນ ໄດ້ມອບ ເຄື່ອງອຸປະໂພກ-ບໍລິໂພກ ໃຫ້ແກ່ອຳນາດການປົກຄອງ ແຂວງຊຽງຂວາງ ລວມ ມູນຄ່າ51 ລ້ານກວ່າກີບ ແລະ ທ່ານ ອາດສະພັງທອງ ສີພັນດອນ ຮອງລັດຖະມົນຕີກະຊວງ ການເງິນ ຍັງໄດ້ມອບເງິນສົດ ຈຳນວນ 20 ລ້ານກີບ ເພື່ອນຳ ໄປຊ່ວຍເຫຼືອປະຊາຊົນທີ່ໄດ້ ຮັບຜົນກະທົບຈາກໄພພິບັດ ໃນຄັ້ງນີ້ຕື່ມອີກ.


ພາບ: ຄຳເມິງ, ຂ່າວ: ສຸກສະຫວັນ ນັກຂ່າວ ຮສສ ລາຍງານ
© ໂຕະນໍ້າຊາຂ່າວ |  www.tonamcha.com
_____


No comments

Powered by Blogger.