Header Ads

ຈັບໂຈນຕ່າງປະເທດເລາະງັດຕູ້ ເອທີເອັມ ຢູ່ເຂດເມືອງຈັນທະບູລີ ນະຄອນຫຼວງວຽງຈັນ



ປກສ ນະຄອນຫຼວງ: ພັທ ຄຳພັດ ສົມມະລັດ ຫົວໜ້າພະແນກຕຳຫຼວດ ເມືອງຈັນທະບູລີໃຫ້ຮູ້ວ່າ: ເຈົ້າໜ້າທີ່ກຸ່ມ 1 ວັດຈັນ ເຂົ້າຈັບກຸມຜູ້ຕ້ອງສົງໄສຊາຍຕ່າງຊາດງັດຕູ້ ATM 3 ຄັ້ງແຕ່ບໍ່ສຳເລັດເຫດການຈັບກຸມນີ້ເກີດຂຶ້ນວັນທີ 8 ສິງຫາ 2018 ຢູ່ບ້ານມີໄຊ ເມືອງຈັນທະບູລີ ເຊິ່ງປະຊາຊົນເຂດນັ້ນລາຍງານວ່າ: ຜູ້ກ່ຽວເຄີຍມາງັດຕູ້ແລ້ວຄັ້ງໜຶ່ງ ທີ່ຜ່ານມາທີ່ສະຖານທີ່ດັ່ງກ່າວ





ຜ່ານການສືບສວນ-ສອບສວນຂອງເຈົ້າໜ້າທີ່ ຄົນຮ້າຍຊື່ທ້າວ ຊອຍວັງຢອນ ອາຍຸ 67 ປີ ສັນຊາດ ສາທາລະນະລັດເກົາຫຼີງັດອາຊີບຄ້າຂາຍພັກຢູ່ອາພັດເມັນ ວີຄອມບ້ານຊ້າງຄູ້ ເມືອງໄຊທານີ ນະຄອນຫຼວງວຽງຈັນ ຜູ້ກ່ຽວໄດ້ຮັບສາລະພາບວ່າ: ໄດ້ເຄື່ອນໄຫວລັກຊັບລວມໝູ່ງັດຕູ້ ATM ມາແລ້ວ 3 ຄັ້ງຄື:

ຄັ້ງທີ 1 ເດືອນ ກໍລະກົດ 2018 ເວລາ 24 ໂມງ 00 ໄດ້ຂີ່ລົດໃຫ່ຍໄປງັດຕູ້ ເອທີເອັມ ຢູ່ຕໍ່ໜ້າໂຮງໝໍເສດຖາ ບ້ານດອນກອຍ ເມືອງສີສັດຕະນາກ ໂດຍໄດ້ໃຊ້ໂຕລາບິດແປງ 2 ອັນງັດຝາຕູ້ດ້ານໜ້າອອກ ແລະ ພະຍາຍາມງັດບ່ອນໃສ່ກະແຈແຕ່ບໍ່ສາມາດງັດໄດ້.



ຄັ້ງທີ່ 2 ເວລາ 24: 00 ຜູ້ກ່ຽວໄດ້ຂັບຂີ່ລົດເລາະຕາມສາຍທາງພໍມາຮອດເສັ້ນທາງແຄມຂອງເຫັນຕູ້ ATMຈຶ່ງຈອດລົດເອົາອຸປະກອນທີ່ກຽມມາຢ່າງໄປດ້ານຫຼັງຂອງຕູ້ໃຊ້ຄວາມພະຍາຍາມງັດຕູ້ ເພື່ອເອົາເງິນໃຊ້ເວລາປະມານ 25 ນາທີ່ແຕ່ບໍ່ສໍາເລັດ


ຄັ້ງລ່າສຸດເຮັດແບບດຽວກັນແຕ່ບໍ່ຮູ້ວ່າຕູ້ ATM ນັ້ນຢູ່ບ້ານໃດ ຄັ້ງນີ້ມີຄົນມາເຫັນກ່ອນຈື່ງເອົາໂຕຫຼົບໜີ, ຕົກມາຮອດ ວັນທີ 8 ສິງຫາ 2018 ເວລາ 24 ໂມງຜູ້ກ່ຽວໄດ້ ຢືມລົດອີແລນຕ້າ ຂອງທ້າວ ປາກຈອງກອນ ທະບຽນເລກທີ ຈກ 7805 ແລ້ວຂັບຂີ່ມາແຄມຂອງ ເພື່ອຊອກຫາໂທລະສັບທີ່ເຮັດເຮ່ຍ ກ່ອນໜ້ານີ້ ແຕ່ມີພົນລະເມືອງດີຈື່ໜ້າໄດ້ວ່າເຄີຍມາງັດຕູ້ ເອທີເອັມ ຈື່ງໄດ້ແຈ້ງຕໍ່ເຈົ້າໜ້າທີ່ ປກສ ກຸ່ມ 1 ວັດຈັນ ເມືອງຈັນທະບູລີຈັບຕົວ


© ໂຕະນໍ້າຊາຂ່າວ |  www.tonamcha.com

_____

No comments

Powered by Blogger.