Header Ads

ຊາວຫວຽດນາມ ແລະ ຜູ້ນໍາພັກ -ລັກຮ່ວມຝັງສົບປະທານປະເທດ ເຈິນ ດ໋າຍ ກວາງ



ທີ່ນະຄອນຫລວງຮ່າໂນ້ຍ ປະເທດຫວຽດນາມ ເມື່ອວັນທີ່ 28 ກັນຍາ ວ່າທາງການຫວຽດນາມໄດ້ເຮັດພິທີການຝັງສົບປະທານປະເທດເຈິນ ດ໋າຍ ກວາງ ທີ່ສຸສານໃນແຂວງນິງບິ່ງ ເຊິ່ງເປັນບ້ານເກີດຂອງ ທ່ານ ກວາງ ຕັ້ງຢູ່ແຄມຝັ່ງບໍລິເວນຕອນກາງຂອງປະເທດ ເມື່ອວັນພະຫັດ ເຊິ່ງເປັນຂັ້ນຕອນສຸດທ້າຍຂອງລັດຖະພິທີສົບເພື່ອເປັນກຽດສູງສຸດແກ່ຜູ້ນໍາຫວຽດນາມ ເຊິ່ງເຖິງແກ່ກໍາໃນໄວ 61 ປີ ເມື່ອວັນທີ່ 21 ກັນຍາ ທີ່ຜ່ານມາ ຫຼັງເຈັບປ່ວຍຈາກການໄດ້ຮັບ “ເຊື້ອໄວຣັສຮ້າຍແຮງຊະນິດໜຶ່ງ”





ໃນວັນດຽວກັນ ນາຍົກລັດຖະມົນຕີຫວຽນ ຊວນ ຟຸກ ຂື້ນເວທີ່ກ່າວຖ້ອຍຖະແຫຼງຕໍ່ບ່ອນປະຊຸມສະມັດຊາໃຫຍ່ສະຫະປະຊາຊາດ(ຢູເອັນຈີເອ) ທີ່ນະຄອນນິວຢອກ ຂອບໃຈບ່ອນປະຊຸມເຊິ່ງຮ່ວມກັນຢືນໄວ້ອາໄລເປັນເວລາ 1 ນາທີ ແລະ ການລົດທຸງສັນຍາລັກຂອງຢູເອັນ ເພື່ອຮ່ວມລໍາລຶກ ແລະ ເປັນກຽດກັບປະທານປະເທດຂອງຫວຽດເຊິ່ງຫາກໍ່ເຖິງແກ່ກໍາຂະນະທີ່ຖ້ອຍຖະແຫຼງຂອງທ່ານ ຟຸກ ມີເນື້ອໃນສໍາຄັນຄື ການຢໍ້າຈຸດຢືນຂອງຫວຽດນາມໃນການເປັນປະເທດທີ່ເປີດກວ້າງ ແລະ ສົ່ງເສີມເສລີການຄ້າ ທັງໃນລະດັບພາຍໃນພູມິພາກເອເຊຍຕາເວັນອອກສຽງໃຕ້ ແລະ ລະຫວ່າງປະເທດ ແລະ ການສະແຫວງຫາແນວທາງອັນສັນຕິເພື່ອແກ້ໄຂຄວາມຂັດແຍ່ງເລື່ອງທະເລຈີນໃຕ້ຕາມກອບຂອງອານຸສັນຍາສະຫະປະຊາຊາດວ່າດ້ວຍກົດໝາຍທາງທະເລ (ຢູເອັນຄອສ) ສະບັບປີ 1982 ຂະນະດຽວກັນ ທ່ານ ຟຸກຍັງຂໍການສະໜັບສະໜູນຈາກນານາປະເທດ ເພື່ອໃຫ້ຫວຽດນາມໄດ້ຮັບເລືອກຕັ້ງເປັນສະມາຊິກບໍ່ຖາວອນຂອງຄະນະມົນຕີຄວາມໝັ້ນຄົງສະຫະປະຊາຊາດ (ຢູເອັນເອສຊີ) ໃນໂຄຕ້າພູມມິພາກເອເຊຍ ແລະ ປາຊີຟິກ ລະຫວ່າງ 2020-2021 ຫຼັງເຄີຍເປັນສະມາຊິກມາແລ້ວລະຫວ່າງປີ 2008-2009.















© ໂຕະນໍ້າຊາຂ່າວ |  www.tonamcha.com | www.tonamchanews.com

_____


No comments

Powered by Blogger.