Header Ads

ເປີດສູນພັກຊົ່ວຄາວບ້ານຫາດຍາວ ເມືອງສະໜາມໄຊ ພາຍຫລັງສ້າງສໍາເລັດ ໂດຍລົງມືກໍ່ສ້າງມາໄດ້ 35 ວັນ


ໃນວັນທີ 5 ກັນຍາ 2018ນີ້, ບໍລິສັດ sk ໄດ້ຈັດມີພິທີມອບ-ຮັບສູນພັກຊົ່ວຄາວຂອງຜູ້ປະສົບໄພນໍ້າຖ້ວມ ຈູດບ້ານຫາດຍາວ ເມືອງສະໜາມໄຊ ແຂວງອັດຕະປື. ພາຍຫລັງໄດ້ໃຊ້ເວລາລົງມືກໍ່ສ້າງມາໄດ້ 35 ວັນ. ຊຶ່ງປະກອບມີ 10 ຫລັງ ລວມ 140 ຫ້ອງ, ມີຫ້ອງນໍ້າ 5 ຫລັງ, ນໍ້າບາດານ 2 ບໍ່, ພ້ອມນັ້ນໃນເຮືອນຍັງປະກອບມີ: ລະບົບໄຟຟ້າ, ພັດລົມ, ຫ້ອງຄົວສໍາບັບແຕ່ງອາຫານ ເພື່ອອໍານວຍຄວາມສະດວກໃນການຊົມໃຊ້, ນອກຈາກນັ້ນກໍຍັງມີເຄື່ອງປະຖົມພະຍາບານ, ຖັງດັບເພີງ ແລະ ຕິດຕັ້ງລະບົບຮັກສາຄວາມປອດໄຟຕາມມາດຕະຖານສາກົນ.






ໃນພິທີດັ່ງກ່າວໂດຍມີທ່ານ ເລັດ ໄຊຍະພອນ ເຈົ້າແຂວງອັດຕະປື, ທ່ານ ອັນ ແຈ ຮຽນ ປະທານບໍລິສັດ sk, ມີບັນດາເຈົ້າເມືອງ, ອໍານາດການປົກຄອງບ້ານ,ພໍ່ແມ່ປະຊາຊົນ, ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ.









ຂໍ້ມູນ: ວສລ 
© ໂຕະນໍ້າຊາຂ່າວ |  www.tonamcha.com
_____


No comments

Powered by Blogger.