Header Ads

ສຳເລັດການແລກປ່ຽນບົດຮຽນຮ່ວມກັນລະຫວ່າງ ທະຫານແຂວງອຸດົມໄຊ ແລະ ທະຫານປ້ອງກັນຊາຍແດນ ສປ ຈີນ




ໃນລະຫວ່າງວັນທີ 19-21 ກັນຍາ 2018 ນີ້ຜ່ານມາ ,ກອງບັນຊາການທະຫານແຂວງອຸດົມໄຊ ສາທາ ລະນະລັດ ປະຊາທິປະໄຕ ປະຊາຊົນລາວ, ເຊິ່ງນຳໂດຍ ສະຫາຍ ພົນຈັດຕະວາ ຈັນທະວອນ ໄຊຍະຜົງ ກຳມະການຄະນະປະຈຳພັກແຂວງ ເລຂາພັກ ຫົວໜ້າການທະຫານກອງບັນຊາການທະຫານແຂວງອຸດົມໄຊ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມ ແລະ ເຮັດວຽກຢູ່ກອງບັນຊາການທະຫານປ້ອງກັນຊາຍແດນກິ່ງແຂວງ 12 ພັນນາ ສາທາລະນະລັດ ປະຊາຊົນຈີນ ໂດຍໄດ້ຮັບກຽດຕ້ອນຮັບອັນອົບອຸ່ນຈາກ ສະຫາຍ ພັນເອກພິເສດ ເຢ້ຈ້ຽນຊີນ ຫົວໜ້າກອງບັນຊາການທະຫານປ້ອງກັນຊາຍແດນກິ່ງແຂວງ 12 ພັນນາ ກອງທັບປົດປ່ອຍປະຊາຊົນຈີນ ພ້ອມດ້ວຍຄະນະ.







ໃນການພົບປະຄັ້ງນີ້, ທັງສອງຝ່າຍໄດ້ສະແດງຄວາມຍິນດີ ແລະ ຕີລາຄາສູງຕໍ່ການຮ່ວມມືຮອບດ້ານລະຫວ່າງສອງພັກ-ສອງລັດ, ປະຊາຊົນສອງຊາດ, ແລະ ມິດຕະພາບການຮ່ວມມືລະຫວ່າງສອງກອງທັບລາວ-ຈີນ,ຈີນ-ລາວ ໃຫ້ເພີ່ມທະວີຂຶ້ນເລື້ອຍໆ ເວົ້າລວມ ເວົ້າສະເພາະແມ່ນກອງບັນຊາການທະຫານແຂວງອຸດົມໄຊກອງທັບປະຊາຊົນລາວ ກັບກອງບັນຊາການທະຫານປ້ອງກັນຊາຍແດນ ກິ່ງແຂວງ 12 ພັນນາ ກອງທັບປົດປ່ອຍປະຊາຊົນຈີນ ເພື່ອເປັນການເສີມຂະຫຍາຍສາຍພົວພັນ ມິດຕະພາບມູນເຊື້ອອັນດີງາມ ແລະ ການຮ່ວມມືແບບຄູ່ຍຸດທະສາດໃຫ້ແໜ້ນແຟ້ນຍິ່ງໆຂຶ້ນ, ທັງສອງຝ່າຍໄດ້ແລກປ່ຽນກ່ຽວກັບການຮ່ວມມືເພື່ອຊ່ວຍກັນປົກປັກຮັກສາເສັ້ນຊາຍແດນລະຫວ່າງຊາດເຮັດໃຫ້ສະພາບຂອບເຂດຊາຍແດນທັງຂອງສອງປະເທດມີຄວາມສະຫງົບປອດໄພ, ເອົາໃຈໃສ່ສືກສາອົບຮົມພໍ່ແມ່ປະຊາຊົນສອງຊາດທີ່ອາໃສຢູ່ລຽບຕາມຊາຍແດນໃຫ້ເຂົ້າໃຈຕໍ່ແນວທາງແຜນນະໂຍບາຍຂອງພັກ-ລັດ, ພ້ອມກັນຕ້ານ ແລະ ສະກັດກັ້ນກັບກຸ່ມຄົນທີ່ບໍ່ຫວັງດີລັກລອບຄ້າຂາຍສິ່ງຜິດກົດໝາຍ, ບໍ່ໃຫ້ລ່ວງລໍ້າເຂດແດນ, ຕັດໄມ້ທຳລາຍປ່າ, ລ່າເນື້ອແລະ ອື່ນໆ, ທີ່ສຳຄັນເພື່ອພ້ອມກັນຮັກສາຄວາມຫມັ້ນຄົງມິດຕະພາບອັນແໜ້ນແຟ້ນ ແລະ ສັນຕິພາບໃຫ້ຍືນຍົງຕະຫຼອດໄປ.

© ໂຕະນໍ້າຊາຂ່າວ |  www.tonamcha.com

_____

No comments

Powered by Blogger.