Header Ads

ເຈົ້າໜ້າທີ່ ປກສ ແຂວງອຸດົມໄຊ ກັກຕົວກຸ່ມຄ້າ-ຂາຍສິ່ງເສບຕິດ




ເວລາ 18 ໂມງ 10 ນາທີຂອງ 28 ສິງຫາ 2018 ຢູ່ທີຈຸດກວດກາລາດຕະເວນຄວາມສະຫງົບ ຄວາມເປັນລະບຽບຮຽບຮ້ອຍຕາມໜ້າທີ່ວິຊາສະເພາະຂອງເຈົ້າໜ້າທີກອງພັນປ້ອງກັນເຄື່ອນທີ່ ປກສ ແຂວງອຸດົມໄຊ ,ຢູ່ຕາມເສັ້ນທາງເລກ 13 ເໜືອລະຫວ່າງເມືອງໄຊ-ເມືອງນໍ້າບາກ, ແຂວງຫຼວງພະບາງ.

ໃນເວລາຕໍ່ມາຂອງວັນດຽວກັນໄດ້ພົບເຫັນຜູ້ຊາຍ ຈໍານວນ 02 ຄົນຂັບຂີ່ລົດຈັກ ຍີ່ຫໍ້ຮອນດາ HONDA RSX 110 ຊີຊີ, ສີດຳ ແລະ ລົດຈັກ ຍີ່ຫໍ້ຊູຊຸກີສະແມັດ SUZUKI SMASH ສີຟ້າ-ດຳ(ບໍ່ມີໝາຍເລກທະບຽນ) ທັງສອງໄດ້ຂັບຂີ່ລົດຈັກຜ່ານມາ ທ່າທາງມີພິລຸດ(ສົງໄສ)ທາງເຈົ້າໜ້າທີຈຶ່ງໄດ້ລັດລົດຈຳນວນດັ່ງກ່າວ ເພື່ອຂໍອະນຸຍາດກວດກາລົດ ແລະ ຕົນຕົວຂອງພວກກ່ຽວໄດ້ພົບເຫັນຢາເສບຕິດປະເພດຢາບ້າຈຳນວນ 19 ຖົງ, ເທົ່າກັບ 3,783 ເມັດ, ນໍ້າໜັກ 376,3 ກຣາມທີ່ຊຸກເຊືອງໄວ້ໃນຖົງພາຍ,ເຈົ້າໜ້າທີ່ຈິ່ງໄດ້ກັກຕົວພ້ອມຂອງກາງມາສອບຖາມຂໍ້ມູນເບື້ອງຕົ້ນຈຶ່ງຮູ້ວ່າ: ຜູ້ຖືກຫາຊື່ທ້າວ ເຢັງເລົ້າ,ອາຍຸ 18 ປີ, ອາຊີບເຮັດສວນ, ຢູ່ບ້ານແສນລາດ, ເມືອງໄຊ, ແຂວງອຸດົມໄຊ ແລະ ທ້າວ ໃຈຊົ່ງ, ອາຍຸ 17 ປີ,ນັກຮຽນ, ຢູ່ບ້ານາແສນຄຳ, ເມືອງໄຊ, ແຂວງ ອຸດົມໄຊ; ທັງສອງຖືກກັກຕົວໃນຂໍ້ຫາຄ້າ-ຂາຍຢາເສບຕິດ ແລະ ມີຢາເສບຕິດໄວ້ໃນຄອບຄອງຈຳນວນ 19 ຖົງ, ເທົ່າກັບ 3,783 ເມັດ, ນໍ້າໜັກ 376,3 ກຣາມ ແລະ ໃນເດືອນດຽ່ວກັນ ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງອຸດົມໄຊ ໄດ້ຮັບການລາຍງານຈາກພົນລະເມືອງດີວ່າ: ຢູ່ຈຸດເຮືອນຂອງ ທ້າວ ຈ່າງອາຊື່ ແລະ ນາງ ເມປາ ທັງສອງເປັນ(ຜົວ-ເມຍ) ຢູ່ບ້ານແຟນ ເມືອງໄຊ, ແຂວງອຸດົມໄຊ ໄດ້ມີການຄ້າ-ຂາຍຢາເສບຕິດປະເພດຢາບ້າ.



ຈຶ່ງໄດ້ແຕ່ງຕັ້ງພະນັກງານວິຊາສະເພາະລົງກວດກາ,ຊັນນະສູດເຫັນວ່າມີມູນຄວາມຈິງແທ້, ຮອດເວລາ 15 ໂມງ 30 ນາທີຂອງວັນດຽວກັນທາງເຈົ້າໜ້າທີ່ວິຊາສະເພາະຈຶ່ງໄດ້ສະແດງຕົວເຂົ້າກວດຄົ້ນເຄຫະສະຖານ (ເຮືອນ) ຂອງຜູ້ຕ້ອງສົງໄສ ຊື່ທ້າວ ຈ່າງອາຊື່ ແລະ ນາງ ເມປາ (ຜົວ-ເມຍ)ໂດຍຊ່ອງໜ້າອົງການປົກຄອງບ້ານ, ຜ່ານການກວດຄົ້ນໄດ້ພົບເຫັນເຄື່ອງຂອງກາງຢາເສບຕິດປະເພດຢາບ້າ ຈຳນວນ 17 ເມັດ, ນໍ້າໜັກ 1,6 ກຣາມ ທີ່ພວກກຽ່ວໄດ້ຊຸກເຊື່ອງໄວ້ເທິງຕູ້ເຢັນພາຍໃນເຮືອນຄົວ ,ອາວຸດປືນວີແຢັດ 01 ກະບອກ, ລູກປືນ 18 ລູກ, ປືນແວ໋ງ 01 ກະບອກ ພ້ອມລູກປືນ 29 ລູກ, ເງິນໂດລາປອມ 200 ໂດລາ .



ຫຼັງຈາກນັ້ນທາງເຈົ້າໜ້າທີ່ຈຶ່ງໄດ້ກັກຕົວພວກກຽ່ວພ້ອມຂອງກາງຈໍານວນດັ່ງກ່າວສືບຕໍ່ດໍາເນີນການສືບສວນ-ສອບສວນຂະຫຍາຍຜົນຫາທີ່ໄປທີ່ມາຢ່າງລະອຽດ ເຊິ່ງທ້າວ ຈ່າງອາຊື່ ໄດ້ໃຫ້ການຊັດທອດເຖິງພວກຮ່ວມຂະບວນການອີກຈໍານວນ 03 ຄົນຊື່: ທ້າວ ພູວຽງ ອາຍຸ 34 ປີ,ພະນັກງານ, ບ້ານແຟນ ເມືອງໄຊ ແຂວງອຸດົມໄຊ, ທ້າວ ວັນ ,ອາຍຸ 19 ປີ ກໍາມະກອນ ຢູ່ບ້ານປາງໄຮ່ເໜືອ ເມືອງໃໝ່ ແຂວງຜົ້ງສາລີ ແລະ ທ້າວ ບຸນເພັງ ອາຍຸ 29 ປີ ກໍາມະກອນ ຢູ່ບ້ານແສ້ ເມືອງ ແລະ ແຂວງຫຼວງພະບາງ ທັງສອງເປັນກໍາມະກອນຢູ່ກັບ ທ້າວ ພູວຽງ; ເຈົ້າໜ້າທີ່ຈິ່ງໄດ້ກວດຄົ້ນເຄຫະສະຖານ (ເຮືອນ) ຂອງທ້າວ ພູວຽງ ໄດ້ພົບເຫັນຢາບ້າອີກຈຳນວນ 21 ເມັດ,ນ້ຳໜັກ 02 ກຣາມ;ບັ້ງເສບຢາບ້າ 01ບັ້ງ ຊຸກເຊື່ອງໄວ້ຢູ່ໃນສະຖານທີ່ກໍາກໍ່ສ້າງປ້ຳນ້ຳມັນ ,ຈິ່ງໄດ້ກັກຕົວພວກກ່ຽວໃນຂໍ້ຫາຄ້າ-ຂາຍຢາເສບຕິດ ແລະ ມີຢາເສບຕິດໄວ້ໃນຄອບຄອງ ພ້ອມເຄື່ອງຂອງກາງຈຳນວນດັ່ງກ່າວ ມາດຳເນີນຄະດີຕາມກົດໝາຍ.


ພາບ-ຂ່າວ: ສທ ພອນສະຫວັດ
© ໂຕະນໍ້າຊາຂ່າວ |  www.tonamcha.com
_____



No comments

Powered by Blogger.