Header Ads

ປະທານຄະນະກວດກາລະບຽບວິໄນສູນກາງພັກຄອມມູນິດຈີນເຄື່ອນໄຫວຕິດຕາມກວດກາໂຄງການທາງລົດໄຟລາວ-ຈີນຢູ່ແຂວງຫຼວງພະບາງ



ໃນລະຫວ່າງວັນທີ 23-24 ກັນຍາ 2018, ນີ້ຄະນະຜູ້ແທນຂັ້ນສູງຂອງສູນກາງພັກຄອມມູນິດຈີນໄດ້ເດີນ ທາງມາຢ້ຽມຢາມ ແລະ ເຂົ້າຮ່ວມກອງປະຊຸມກ່ຽວກັບການກໍ່ສ້າງເສັ້ນທາງລົດໄຟລາວ-ຈີນເຊິ່ງນຳໂດຍ ສະຫາຍ ຈ້າວ ເລີ້ຈີ ຄະນະປະຈຳກົມການເມືອງສູນກາງພັກ, ປະທານຄະນະກວດກາລະບຽບວິໄນສູນກາງພັກຄອມມູນິດຈີນ ພ້ອມດ້ວຍຄະນະ, ໃນໂອກາດມາຢ້ຽມຢາມນີ້ຄະນະຜູ້ແທນຂັ້ນສູງຂອງສູນກາງພັກຄອມມູນິດຈີນກໍ່ໄດ້ເຂົ້າຮ່ວມກອງປະຊຸມກ່ຽວກັບການກໍ່ສ້າງເສັ້ນທາງລົດໄຟລາວ-ຈີນຮ່ວມກັບຝ່າຍລາວ,ເຊິ່ງຝ່າຍລາວນຳໂດຍ ສະຫາຍ ປຣະລິນຍາເອກ ບຸນທອງ ຈິດມະນີ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ ປະທານກວດກາສູນກາງພັກ, ປະທານອົງການກວດກາລັດຖະບານພ້ອມດ້ວຍຄະນະ, ຝ່າຍ ສປ ຈີນ ນຳໂດຍ ສະຫາຍ ຈ້າວ ເລີ້ຈີ ຄະນະປະຈຳກົມການເມືອງສູນກາງພັກ, ປະທານຄະນະກວດກາລະບຽບວິໄນສູນກາງພັກຄອມມູນິດຈີນພ້ອມດ້ວຍຄະນະ, ຜ່ານການດຳເນີນກອງປະຊຸມຮ່ວມທັງສອງຝ່າຍກໍ່ໄດ້ລາຍງານ ການຈັດຕັງປະຕິບັດໂຄງການຕະຫຼອດໄລຍະຜ່ານມາ





ຄະນະຄຸ້ມຄອງໂຄງການກໍ່ສ້າງທາງລົດໄຟ ລາວ-ຈີນ ໄດ້ອຳນວຍຄວາມສະດວກ ແລະ ປະສານສົມທົບກັບຂະແໜງການຕ່າງໆຂອງລາວ ຄຸ້ມຄອງການເຄື່ອນໄຫວຂອງໂຄງການໃຫ້ໄປຕາມລະບຍບກົດໝາຍ, ຖືກຕ້ອງສອດຄ່ອງກັບສັນຍາສຳປະທານເພື່ອຮັບປະກັນໃຫ່ໂຄງການເປັນໂຄງການປອດໃສຂາວສະອາດ, ເປັນໂຕແບບຂອງໂຄງການຮ່ວມມືລະຫວ່າງ 2 ລັດຖະບານ ລາວ-ຈີນ, ເພື່ອຮັບປະກັນການອຳນວຍຄວາມສະດວກ ແລະ ການຄຸ້ມຄອງຄວາມຖືກຕ້ອງຕາມລະບຽບກົດໝາຍທາງໂຄງການໄດ້ຮ່ວມກັບບັນດາກະຊວງທີ່ກ່ຽວຂ້ອງໄດ້ສ້າງຄູ່ມືແນະນຳຂຶ້ນ 6 ສະບັບ, ໃນນັ້ນສຳເລັດຮັບຮອງ ແລະ ປະກາດໃຊ້ແລ້ວ 1 ສະບັບ, 4 ສະບັບ ສ້າງສຳເລັດແລ້ວກຳລັງດຳເນີນຂັ້ນຕອນປະກອບຕຳເຫັນ ແລະ ຮັບຮອງຈາກຂັ້ນເທິງ ແລະ ອີກ 1 ສະບັບ ກຳລັງຮ່າງ, ໃນຕໍ່ໜ້າທາງໂຄງການຈະພ້ອມກັນເອົາໃຈໃສ່ຮ່ວມກັບຝ່າຍຈີນປະສານສົມທົບໃນວຽກງານປ້ອງກັນຄວາມສະ ຫງົບ, ວຽກງານໂຄງການປິ່ນອ້ອມ, ຮີບຮ້ອນສຳຫຼວດໄວ ໃນເນື້ອທີ່ດິນຈຳນວນ 3.000 ເຮັກຕາ ອ້ອມເຂດສະຖານີເພື່ອຂໍອະນຸມັດ ແລະ ຮີບຮ້ອນກຳນົດແຜນການກໍ່ສ້າງພະນັກງານລາວຮັບໃຊ້ການບໍລິການ.





ເພື່ອສືບຕໍ່ຊຸກຍູ້ໂຄງການໃຫ້ມີຄວາມຄືບໜ້າປະຕິບັດໄດ້ຕາມແຜນການວາງໄວ້, ຮັບປະກັນໃຫ້ໄດ້ຄາດໝາຍທາງດ້ານຄຸນະພາບ, ສຳເລັດຕາມແຜນການ, ມີຄວາມສະຫງົບ, ປອດໃສຂາວສະອາດ ແລະ ປະກອບສ່ວນໃນການເພີ່ມທະວີຄວາມຮັກແພງສາມັກຄີຊ່ວຍເຫຼືອເຊິ່ງກັນ ແລະ ກັນລະຫວ່າງປະຊາຊົນສອງປເທດ ລາວ-ຈີນຕ້ອງໄດ້ພ້ອມກັນສືບຕໍ່ປະສານສົມທົບກັນຢ່າງແໜ້ນແຟນ, ສືບຕໍ່ເອົາໃຈໃສ່ວຽກງານປ້ອງກັນຄວາມສະຫງົບ ແລະ ປອດໄພ, ສືບ ຕໍ່ຊີນຳຂະແໜງການທີ່ກ່ຽວຂ້ອງຂອງລາວ, ສືບຕໍ່ຊຸກຍູ້ການປະຕິບັດນະໂຍບາຍຕ່າງໆທີ່ກຳນົດໄວ້ໃນສັນຍາສຳປະ ທານ, ສ້າງກົຍໄກປະສານງານລະອຽດ ແລະ ປຶກສາຫາລືເປັນປະຈຳລະຫວ່າງຄະນະກວດກາສູນກາງພັກສອງປະ ເທດ. ຜ່ານການຈັດກອງປະຊຸມຮ່ວມກັນທັງສອງຝ່າຍກໍ່ໄດ້ແລກປ່ຽນບົດຮຽນເຊິ່ງກັນ ແລະ ກັນຢ່າງກົງໄປກົງມາເພື່ອພ້ອມກັນຈັດຕັ້ງປະຕິບັດໃຫ້ສຳເລັດ. ໃນການມາຢ້ຽມຢາມເທື່ອນີ້ຄະນະຜູ້ແທນຂັ້ນສູງຂອງສູນກາງພັກຄອມມູນິດຈີນໄດ້ເດີນທາງໄປຢ້ຽມຢາມເບິ່ງຄວາມຄີບໜ້າການສ້າງຂົວຂ້າມນ້ຳຂອງ, ຈາກນັ້ນກໍ່ໄປເບິ່ງອາຄານຮຽນຂອງໂຮງຮຽນບ້ານພອນໄຊທີ່ສ້າງສຳເລັດແລ້ວໂດຍແມ່ນທຶນຊ່ວຍເຫຼືອຈາກລັດຖະບານ ສປ ຈີນ ແລະ ຈາກນັ້ນກໍ່ໄດ້ພົບປະທ່ານເຈົ້າແຂວງຫຼວງພະບາງເພື່ອຫັດແໜ້ນເພີມທະວີຄວາມຮັກແພງສາມັກຄີຊ່ວຍເຫຼືອເຊິ່ງກັນ ແລະ ກັນລະ ຫວ່າງປະຊາຊົນສອງປະເທດລາວຈີນໃຫ້ມີຄວາມແໜ້ນແຟ້ນຍິ່ງໆຂຶ້ນ.






ພາບ-ຂ່າວ ໂດຍ ໄຊຍະສອນ (ຂ່າວສານຫຼວງພະບາງ)
© ໂຕະນໍ້າຊາຂ່າວ |  www.tonamcha.com | www.tonamchanews.com
_____



No comments

Powered by Blogger.