Header Ads

ໂຄງການໃສ່ໃຈຫຼວງພະບາງ Handle with Care ສ້າງປ້າຍຊີ້ບອກທາງໃຫ້ເມືອງນໍ້າບາກ




ໂຄງການໃສ່ໃຈຫລວງພະບາງ ໄດ້ສ້າງປ້າຍຊີ້ບອກທາງ ຈໍານວນ 2 ປ້າຍ ໃຫ້ເມືອງນໍ້າບາກ ແຂວງຫຼວງພະບາງ,ເຊິ່ງຂະໜາດ 60cm x 120cm ແລະ ປ້າຍໂຄສະນາບ້ານ ຈໍານວນ 1 ບ້ານ,ຂະໜາດ 4m x 8m ລວມມູນຄ່າທັງໝົດ 16.000.000 ກີບ,ໂດຍໄດ້ຮັບການສະໜັບສະໜູນຈາກ ອົງການຮ່ວມມືສາກົນ ລາວ - ເຢຍລະມັນ (GIZ) ໃນໂຄງການໃສ່ໃຈຫຼວງພະບາງ Handle with Care ຮ່ວມກັບ ພະແນກ ຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ ແຂວງຫຼວງພະບາງ(ຖວທຂ).



ປ້າຍດັ່ງກ່າວແມ່ນຕັ້ງຢູ່ປາກທາງເຂົ້າໄປຫາບ້ານນາງຍາງ ເຊິ່ງເປັນບ້ານໜຶ່ງທີ່ເປັນບ້ານທ່ອງທ່ຽວທາງດ້ານຫັດຖະກໍາຕໍາແຜ່ນ ແລະ ຍ້ອມສີທໍາມະຊາດ,ເປັນບ້ານຍັງຄົງອານຸລັກຮີດຄອງປະເພນີດັ້ງເດີມ ຕິດພັນກັບວິຖີການດໍາລົງຊີວິດຂອງປະຊາຊົນເມືອງນໍ້າບາກ ແຂວງຫລວງພະບາງ,ເຊິ່ງການມອບ-ຮັບປ້າຍດັ່ງກ່າວໄດ້ຈັດຂື້ນໃນວັນທີ່ 26 ສິງຫາ 2018 ຜ່ານມາ,ເຊິ່ງຕາງຫນ້າໂຄງການໃສ່ໃຈ່ຫຼວງພະບາງ Handle with Care ກ່າວມອບແມ່ນທ່ານ Mr Andreas Hofmann ອໍານວຍການໂຄງການໃສ່ໃຈຫຼວງພະບາງ(Team leader of Luangprabang Handle with Care )ໂດຍການກ່າວຮັບຂອງທ່ານ ສົມອົກ ພັນທະວົງ ຮອງຫົວຫນ້າພະແນກ ຖະແຫລງຂ່າວ,ວັດທະນະທໍາ ແລະ ທ່ອງທ່ຽວແຂວງຫລວງພະບາງ,ມີທ່ານ ຄອນສະຫວັນ ເຈລາຄາ ຫົວຫນ້າຂະແຫນງໂຄສະນາການທ່ອງທ່ຽວ ພະແນກ ຖວທແຂວງ ພ້ອມດ້ວຍພະນັກງານເຂົ້າຮ່ວມເປັນສັກຂີພະຍານ. 


ພາບ-ຂ່າວ: ເພັດສາຄອນ ສິມມະວົງ
© ໂຕະນໍ້າຊາຂ່າວ |  www.tonamcha.com
_____


No comments

Powered by Blogger.