Header Ads

ຮອງປະທານປະເທດ ຂຶ້ນເປັນຜູ້ຮັກສາການປະທານປະເທດ



ອີງຕາມການລາຍງານຂອງ ສຳນັກຂ່າວທ້ອງຖິ່ນ ນະຄອນຫຼວງ ຮ່າໂນ້ຍ ປະເທດຫວຽດນາມ ວ່າ: ໃນວັນທີ 24 ກັນຍາ 2018 ນີ້ ສະພາແຫ່ງຊາດຂອງຫວຽດນາມ ໄດ້ອອກຖະແຫຼງຂ່າວໃນວັນອາທິດທີ່ຜ່ານມາ ແຕ່ງຕັ້ງ ທ່ານ ນາງ ດັ່ງ ຖິ ຫງັອກ ຖິງ ຮອງປະທານປະເທດ ໃຫ້ປະຕິບັດໜ້າທີ່ຮັກສາການໃນຕຳແໜ່ງປະທານປະເທດ ຂອງຫວຽດນາມຢ່າງເປັນທາງການ ຈົນກວ່າຈະມີມະຕິແຕ່ງຕັ້ງຜູ້ດຳລົງຕຳແໜ່ງປະທານປະເທດຄົນໃໝ່.

ອີງຕາມລັດຖະທຳມະນູນຂອງຫວຽດນາມແລ້ວ ແມ່ນຖືວ່າ ທ່ານ ນາງ ຖິງ ດຳລົງຕຳແໜ່ງດັ່ງກ່າວຕັ້ງແຕ່ວັນສຸກທີ່ຜ່ານມາ ເຊິ່ງເປັນມື້ດຽວກັບປະທານປະເທດ ເຈິ່ນ ດ້າຍ ກວາງ ເຖິງແກ່ມໍລະນະກຳໃນຕອນເຊົ້າວັນສຸກ.  ທ່ານ ນາງ ດັ່ງ ຖິ ຫງັອກ ຖິງ  ຂື້ນເປັນຮອງປະທານປະເທດໃນວັນທີ 8 ເມສາ 2016   ປັດຈະບັນມີອາຍຸ 59 ປີ .  ສໍາລັບວາລະ ປະຊຸມຄັ້ງຕໍ່ໄປຂອງສະພາແຫ່ງຊາດຫວຽດນາມ ຈະມີຂຶ້ນໃນວັນທີ 22 ຕຸລາ 2018 ນີ້.


© ໂຕະນໍ້າຊາຂ່າວ |  www.tonamcha.com

_____




No comments

Powered by Blogger.