Header Ads

ຈຳນວນຄອບຄົວທຸກຍາກຢູ່ແຂວງອັດຕະປືຫຼຸດລົງເຫຼືອ 1,992 ຄອບຄົວ



ການພັດທະນາ ແລະ ແກ້ໄຂຄວາມທຸກຍາກຂອງປະຊາຊົນ  ມາຮອດປັດຈຸບັນຢູ່ ແຂວງອັດຕະປື  ແມ່ນເລັງໃສ່ພື້ນຖານໂຄງລ່າງທີ່ຈຳເປັນ  ເພື່ອພັດທະນາຊີວິດການເປັນຢູ່ຂອງປະຊາ  ຊົນໄດ້ຮັບການແກ້ໄຂ ຄວາມ ທຸກຍາກ  ຕາມມະຕິກອງປະຊຸມໃຫຍ່ ຄັ້ງທີ x  ຂອງອົງຄະນະພັກແຂວງໄດ້ກຳນົດໄວ້.  ມາ​ຮອດ​ປັດຈຸບັນ ເຫັນໄດ້ວ່າໃນ ຕົ້ນປີ 2018  ຈຳນວນຄອບຄົວທຸກຍາກໄດ້ຫຼຸດລົງຍັງ​ເຫຼືອ  1,992 ຄອບຄົວ, ທຽບໃສ່ທ້າຍປີ 2015 ຫຼຸດລົງ 981 ຄອບຄົວ ອີງຕາມການລາຍງານຂອງສຳນັກຂ່າວສານປະເທດລາວ.

ຕາມບົດສະຫຼຸບ ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ 2018  ຂອງພະແນກແຜນການ ແລະ ການລົງທຶນ  ແຂວງ ອັດຕະປືື ​ໄດ້​ໃຫ້​ຮູ້​ວ່າ:  ການແກ້ໄຂຄວາມທຸກຍາກຂອງປະຊາຊົນ ຢູ່ໃນແຂວງ ອັດຕະປື ໃນສະເພາະ 6 ເດືອນຕົ້ນປີຜ່ານມາ  ແມ່ນໄດ້ສຸ່ມໃສ່ພັດທະນາດ້ານພື້ນຖານໂຄງລ່າງ ຢ່າງກວ້າງຂວາງ ເຊັ່ນ:  ກໍ່ສ້າງ ແລະ ສ້ອມແປງເສັ້ນທາງ  ລະຫວ່າງເມືອງຫາບ້ານ, ໂຮງຮຽນ, ສຸກສາລາ, ໄຟຟ້າ, ນ້ຳສະອາດ, ວິດຖ່າຍ ແລະ ອື່ນໆ,  ໄດ້ເອົາໃຈໃສ່ຝຶກອົບຮົມດ້ານວິຊາການປູກຝັງ-ລ້ຽງສັດ,  ການສັກຢາກັນພະຍາດສັດ,  ການຈັດຕັ້ງບໍລິການກອງທຶນພັດທະນາບ້ານ  ແລະ ການເຂົ້າເຖິງແຫຼ່ງທຶນສິນເຊື່ອຕ່າງໆ  ແນໃສ່ຊຸກ ຍູ້ສົ່ງເສີມການ ຜະລິດເປັນສິນຄ້າ  ເພື່ອຂາຍສົ່ງອອກສູ່ຕະຫຼາດ ແລະ ສ້າງລາຍຮັບ ໃຫ້ເເກ່ປະຊາຊົນຜູ້ທຸກຍາກໄດ້ເຂົ້າເຖິງ ໃນເງື່ອນໄຂດັ່ງກ່າວຕາມສະພາບເເວດລ້ອມຕົວຈິງ.


ມາຮອດປັດຈຸບັນ ເຫັນໄດ້ວ່າໃນ ຕົ້ນປີ 2018  ຈຳນວນຄອບຄົວທຸກຍາກໄດ້ຫຼຸດລົງຍັງເຫຼືອ 1,992 ຄອບຄົວ  ໃນນີ້ ເມືອງໄຊເສດຖາ ຫຼຸດລົງຍັງເຫຼືອ 366 ຄອບຄົວ,  ສາມັກຄີໄຊ ຍັງເຫຼືອ 234 ຄອບຄົວ,  ສະໜາມໄຊ ຍັງເຫຼືອ 652 ຄອບຄົວ,  ຊານໄຊ ຍັງເຫຼືອ 402 ຄອບຄົວ ແລະ ເມືອງ ພູວົງ  ຍັງເຫຼືອ 338 ຄອບຄົວ. ພ້ອມກັນນີ້,  ບ້ານທຸກຍາກ ກໍຫຼຸດລົງຍັງເຫຼືອ 19 ບ້ານ.  ໃນນີ້ ເມືອງສະໜາມໄຊ ຍັງເຫຼືອ 13 ບ້ານ,  ຊານໄຊ 5 ບ້ານ ແລະ ເມືອງ ພູວົງ 1 ບ້ານ, ທຽບໃສ່ທ້າຍປີ 2015 ຫຼຸດລົງ 5 ບ້ານ.


ທີ່ມາ: ສໍານັກຂ່າວສານປະເທດລາວ
© ໂຕະນໍ້າຊາຂ່າວ |  www.tonamchanews.com
_____


No comments

Powered by Blogger.