Header Ads

ທ່ານ ສີສະຫວາດ ແກ້ວບຸນພັນ ອະດິດກຳມະການກົມການເມືອງສູນກາງພັກ ລົງມາຢ້ຽມຢາມພົບປະໂອ້ລົມຄະນະຄວບຄຸມໄພພິບັດ ແຂວງວຽງຈັນ


ໃນລະຫວ່າງ ວັນທີ 10-11 ຕຸລາ 2018 ນີ້ , ທ່ານ ສີສະຫວາດ ແກ້ວບຸນພັນ ອະດິດກຳມະການກົມການເມືອງສູນກາງພັກ, ອະດິດປະທານສູນກາງແນວລາວສ້າງຊາດໄດ້ລົງມາຢ້ຽມຢາມພົບປະໂອ້ລົມຄະນະຄວບຄຸມໄພພິບັດແຂວງວຽງຈັນ ຢູ່ທີ່ຫ້ອງວ່າການປົກຄອງແຂວງວຽງຈັນເຂົ້າຮ່ວມຮັບຟັງ ແລະ ລາຍງານໂດຍມີທ່ານ ບຸນສອນ ເພັດລາວັນຄະນະປະຈຳພັກແຂວງຮອງເຈົ້າແຂວງວຽງຈັນ, ມີບັນດາພະແນກການທີ່ກ່ຽວຂ້ອງເຂົ້າຮ່ວມ.

ທ່ານ ບຸນສອນ ເພັດລາວັນ ຄະນະປະຈຳພັກແຂວງຮອງເຈົ້າແຂວງວຽງຈັນໄດ້ລາຍງານສະພາບນນໍ້າຖ້ວມຢູ່ແຂວງວຽງຈັນ ເຊີງທ່ານໄດ້ກ່າວວ່າ:



ໃນປີ 2018 ທົ່ວແຂວງວຽງຈັນ ໄດ້ມີການປ່ຽນແປງດີນຟ້າອາກາດຜິດປົກກະຕິໄດ້ເກີດມີໄພພິບັດທາງທຳມະຊາດຢ່າງຮ້າຍແຮງ ແລະ ເຮັດໃຫ້ມີຜົນກະທົບຈາກພາຍຸ, ຝົກຕົກໜັກຫຼາຍມືຕິດຕໍ່ກັນຈົນມີດີນເຈື່ອນແລະນ້ຳຖ້ວມຢູ່ຫຼາຍເມືອງຂອງແຂວງວຽງຈັນເຊັ່ນ: ເມືອງກາສີ, ເມືອງແມດ,ເມືອງວຽງຄໍາ,ເມືອງໂພນໂຮງ ແລະ ເມືອງທຸລະຄົມ, ໃນ 5 ເມືອງເນື້ອທີ່ນາຖືກນໍ້າຖ້ວມມີ 3,896.34ຮຕ, ຊົນລະປະທານຖືກຜົນກະທົບ 27 ແຫ່ງ, ງົວຕາຍ 3 ໂຕ, ໜອງປາ 150 ໜອງ.



ໃນໂອກາດນີ້ ທ່ານ ສີສະຫວາດ ແກ້ວບຸນພັນ ອະດິດກຳມະການກົມການເມືອງສູນກາງພັກ, ອະດິດປະທານສູນກາງແນວລາວສ້າງຊາດໄດ້ໃຫ້ກຽດໂອ້ລົມໃຫ້ທິດຊີ້ນຳໆພາເຊີງທ່ານໄດ້ສະແດງຄວາເສຍໃຈ, ຄວາມເປັນຫວງເປັນໄຍຕໍ່ກັບສະພາບການດັ່ງກ່າວ. ພ້ອມນີ້ທ່ານຍັງໄດ້ຮຽກຮ້ອງ ມາຍັງພະນັກງານການນຳທຸກຂັ້ນເປັນຕົ້ນສະມາຊີກພັກຕ້ອງໄດ້ເປັນແບບຢ່າງ ໃຫ້ມີຄວາມສະມັກຄີເປັນຈິດໜື່ງໃຈດຽວກັນໃນລົງໄກສິດຕິດແທນໃຫ້ຄວາມຊ່ວຍເຫຼືອ ແກ້ໄຂຊີວິດການເປັນຢູ່ຂອງປະຊາຊົນບັນດາເຜົ່າ ໃຫ້ກັບຄືນສູ້ສະພາບປົກກະຕິໂດຍໄວ.



ພ້ອມດຽວກັນນີ້ທ່ານຍັງໄດ້ລົງໄປຢ້ຽມຢາມເມືອງທຸລະຄົມແຂວງວຽງຈັນເພື່ອຮັບຟັງສະພາບຖ້ວມຢູ່ເມືອງດັ່ງກ່າວໂດຍມີອຳນາດການປົກເມືອງພໍ່ແມ່ປະຊາຊົນລາຍງານສະພາບນ້ຳຖ້ວມພ້ອມຮັບຟັງການໃຫ້ທິດຊີ້ນຳໆພາຈາກທ່ານອີກດ້ວຍ.


ຂ່າວ : ວິໄລພອນ ກົງມະນີເຄນ,  ພາບ : ພູເງິນ ແລະ ແສງຈັນ ນັກຂ່າວແຂວງວຽງຈັນ
© ໂຕະນໍ້າຊາ |  www.tonamcha.com
_____


No comments

Powered by Blogger.