Header Ads

ຈັບເປົ້າໝາຍກຽມສົ່ງຢາບ້າຂ້າມຊາຍແດນ 38.000 ກວ່າເມັດ




ເຈົ້າໜ້າທີ່ ປກສ ເມືອງຍອດອູ ແຂວງຜົ້ງສາລີ ສະກັດຈັບເປົ້າໝາຍຄ້າຂາຍຢາເສບຕິດປະເພດຢາບ້າ ທີ່ກຳລັງກຽມສົ່ງຂາຍຂ້າມຊາຍແດນ ໃຫ້ກັບຜູ້ຮັບຊື້ຢູ່ເຂດລານຕຸ້ຍ ( ທາງເຂົ້າປະເທດຈີນ) ໄດ້ 3 ຄົນ ພ້ອມຂອງກາງປະເພດຢາບ້າ ຈໍານວນ 38.600 ເມັດ ແລະ ອາວຸດປືນ 3 ກະບອກ ໃນວັນທີ 23 ພະຈິກ 2018.

ຄະດີດັ່ງກ່າວນີ້, ໃນເບື້ອງຕົ້ນວັນທີ 20 ພະຈິກ 2018 ແຫຼງຂ່າວທີ່ເຊື່ອຖື ໄດ້ລາຍງານມາວ່າ: ອີກປະມານ 2-3 ວັນ ຈະມີກຸ່ມຄົນບໍ່ດີຈະຂົນສົ່ງຢາບ້າຈຳນວນຫຼາຍພັນເມັດ ໄປຂາຍຢູ່ປະເທດຈີນ ໂດຍຜ່ານຊາຍແດນເຂດລານຕຸ້ຍ (ທາງເຂົ້າປະເທດຈີນ) ເມື່ອຮູ້ໄດ້ແນວນັ້ນ ຈຶ່ງແຕ່ງຕັ້ງເຈົ້າໜ້າທີ່ວິຊາສະເພາະລົງເກັບກຳຂໍ້ມູນຫຼັກຖານ; ຜ່ານການກວດກາສະຖານທີ່ ແລະ ແຫຼ່ງຂ່າວ ເປັນເວລາ 2 ວັນ ຈຶ່ງພົບວ່າມີມູນຄວາມຈິງແທ້ ແລະ ນຳກຳລັງລົງປະຈຳຈຸດດັ່ງກ່າວ. ເວລາປະມານ 15:00 ໂມງ ພົບເຫັນເປົ້າໝາຍສົງໄສເປັນຊາຍ 2 ຄົນ ຍິງ 1 ຄົນ ຈຶ່ງເຂົ້າກວດຄົ້ນຕົວພົບຢາ ບ້າຈຳນວນ 18 ມັດ ເທົ່າກັບ 36.000 ເມັດ ແລະ ພົບອີກ 13 ຖົງ ເທົ່າກັບ 2.600 ເມັດ ລວມທັງໝົດ 38.600 ເມັດ. ນອກນີ້, ຍັງມີອາວຸດປືນເສິກ 3 ກະບອກ ປະກອບມີ ປືນ K59 ຈຳ ນວນ 1 ກະບອກ, ປືນຫັນລີ 1 ກະ ບອກ, ປືນແກ໋ບ 1 ກະບອກ ແລະ ອຸປະກອບເສບຢາເສບຕິດຈຳນວນໜຶ່ງ ຈຶ່ງໄດ້ກັກຕົວພວກກ່ຽວທັງ 3 ມາ ສອບ ສວນ.
ຜ່ານການສອບສວນໃນເບື້ອງຕົ້ນ ຜູ້ຖືກຫາທັງ 3 ຄົນ ຊື່ທ້າວ ໄຊສະຫວັນ ອາຍຸ 50 ປີ ແລະ ເມຍຜູ້ກ່ຽວຊື່ ນາງ ຈັນແສງ ອາຍຸ 50 ແລະ ທ້າວ ແສງທອງ ອາຍຸ 38 ປີ ທັງສາມຢູ່ບ້ານສົມເຮືອງ ເມືອງຍອດອູ ແຂວງຜົ້ງສາລີ. ພວກ ກ່ຽວທັງ 3 ສາລະພາບວ່າ: ຢາເສບ ຕິດຈຳນວນດັ່ງກ່າວ ໄດ້ພົວພັນຊື້-ຂາຍ ຢານຳກັນ ແຕ່ປີ 2017. ຢາບ້າທີ່ຊື້ມາ ຂາຍແຕ່ລະຄັ້ງນັ້ນແມ່ນໄດ້ຊື້ນຳຄົນຮູ້ ຈັກກັນ ຊື້ຄັ້ງລະ 3-30 ມັດ ແລ້ວນຳ ໄປຂາຍໃຫ້ກັບໄວລຸ້ນຢູ່ຕາມເທດສະ ບານແຂວງ ແລະ ຂາຍໃຫ້ຄົນຈີນ ໂດຍ ນັດຊື້-ຂາຍຢູ່ເຂດລານຕຸ້ຍ. ຄັ້ງນີ້ ໃນວັນ ທີ 20 ພະຈິກ 2018 ມີຄົນຈີນໂທລະ ສັບມາສັ່ງຢາບ້າ ຈຳນວນ 18 ມັດ ໂດຍ ນັດຈຸຊື້ຂາຍຢູ່ເຂດລານຕຸ້ຍ ທາງເຂົ້າ ປະເທດຈີນ. ຈາກນັ້ນ, ຈຶ່ງໄດ້ຊື້ຢາບ້າ ຈຳນວນ 18 ມັດ ກັບ 13 ຖົງ ມາໄວ້, ຮອດວັນທີ 23 ພະຈິກ ໄດ້ພາກັນອອກເດີ່ນທາງໄປລໍ້ຖ້າຜູ້ຮັບຊື້ຢູ່ເຂດລານຕຸ້ຍ ເມື່ອໄປຮອດ ກໍຖືກເຈົ້າໜ້າທີ່ກວດຄົ້ນ ພົບຂອງກາງຢາບ້າຈຳນວນດັ່ງກ່າວ.

ເຈົ້າໜ້າທີ່ຍັງໃຫ້ຮູ້ອີກວ່າ: ຄະດີດັ່ງ ກ່າວນີ້, ຍັງຈະໄດ້ສືບສວນຂະຫຍາຍ ຜົນເພີ່ມຕື່ມອີກ ສ່ວນພັກພວກທີ່ຜູ້ ກ່ຽວໃຫ້ການຊັດທອດຫານັ້ນ ເຈົ້າໜ້າທີ່ໄດ້ລວບລວມຂໍ້ມູນຫຼັກຖານ ແລະ ຂຶ້ນບັນຊີເປົ້າໝາຍຕິດຕາມກັກຕົວໄປດຳ ເນີນຄະດີຕາມພາຍຫຼັງ.


ພາບ ແລະ ຂ່າວ: ນສພ ຄວາມສະຫງົບ 

© ໂຕະນໍ້າຊາຂ່າວ | www.tonamchanews.com
___________

No comments

Powered by Blogger.