Header Ads

ລາວ – ຫວຽດນາມ ຕີລາຄາການຈັດຕັ້ງປະຕິບັດວຽກງານ ຊາຍແດນ




ກອງປະຊຸມສາມັນປະຈຳປີ ຄັ້ງທີ 28 ຂອງຄະນະຜູ້ແທນຊາຍແດນລາວ-ຫວຽດນາມ ໄດ້ຈັດຂຶ້ນໃນວັນທີ 10 ທັນວານີ້ ທີ່ໂຮງແຮມເມືອງແທັງ, ນະ ຄອນຫລວງວຽງຈັນ ພາຍໃຕ້ການເປັນປະທານຂອງທ່ານ ສະເຫຼີມໄຊ ກົມມະສິດ ກຳມະການສູນກາງພັກ ລັດຖະມົນຕີກະຊວງການຕ່າງປະເທດ ຫົວ ໜ້າຄະນະຜູ້ແທນຊາຍແດນ ລາວ-ຫວຽດນາມ, ຝ່າຍຄະນະຜູ້ແທນຫວຽດນາມ ນຳໂດຍທ່ານ ເລ ຮວ່າຍ ຈຸງ ກຳມະການສູນກາງພັກ ຮອງລັດຖະມົນຕີກະຊວງການຕ່າງປະເທດ ຫົວ ໜ້າຄະນະຜູ້ແທນຊາຍແດນຫວຽດນາມ-ລາວ ພ້ອມດ້ວຍບັນດາຮອງເຈົ້າແຂວງທີ່ມີຊາຍແດນຕິດຈອດກັນຂອງສອງປະເທດ ແລະ ຂະແໜງການທີ່ກ່ຽວຂ້ອງເຂົ້າຮ່ວມ.

ຈຸດປະສົງຂອງກອງປະ ຊຸມ ເພື່ອທົບທວນຄືນການ ຈັດຕັ້ງປະຕິບັດສັນຍາ ວ່າດ້ວຍ ລະບຽບການຊາຍແດນ ແລະ ດ່ານຊາຍແດນປະເທດລາວ-ຫວຽດນາມ ແລະ ບົດບັນທຶກກອງປະຊຸມຄະນະຜູ້ແທນລາວ -ຫວຽດນາມ ຄັ້ງທີ 18 ໃນໜຶ່ງ ປີທີ່ຜ່ານມາ, ຊຶ່ງທັງສອງຝ່າຍ ໄດ້ສັງເກດຕີລາຄາຄືນດ້ານຕັ້ງ ໜ້າ ແລະ ດ້ານຫຍໍ້ທໍ້ຕ່າງໆກ່ຽວ ກັບວຽກງານການຄຸ້ມຄອງຊາຍ ແດນ, ການພັດທະນາເສດຖະ ກິດ, ການຄ້າ, ວັດທະນະທຳ ແລະ ທ່ອງທ່ຽວຊາຍແດນ, ການເຊື່ອມຕໍ່ເສັ້ນທາງຄົມມະ ນາຄົມ, ການເຮັດທົດລອງ ການກວດກາ “ປະຕູດຽວ-ຄັ້ງດຽວ” ຢູ່ທີ່ດ່ານສາກົນແດນສະຫວັນ – ລາວບາວ, ການປະ ຕິບັດຂໍ້ຕົກລົງຂອງລັດຖະບານ ກ່ຽວກັບການແກ້ໄຂຜູ້ຍົກຍ້າຍ ຕັ້ງພູມລຳເນົາຕາມລຳພັງໃຈ ແລະ ສ້າງຄອບຄົວບໍ່ຖືກລະ ບຽບຢູ່ຕາມບໍລິເວນຊາຍແດນລາວ-ຫວຽດນາມ.

ກອງປະຊຸມຄັ້ງນີ້ ທັງສອງຝ່າຍຍັງໄດ້ຕີລາຄາສູງ ຕໍ່ການປະຕິບັດໜ້າທີ່ຂອງອົງການຊາຍແດນ ແລະ ເຈົ້າໜ້າທີ່ຊາຍ ແດນ ນັບແຕ່ຂັ້ນສູນກາງລົງ ຮອດທ້ອງຖິ່ນທີ່ໄດ້ປະກອບ ສ່ວນຢ່າງຕັ້ງໜ້າເຂົ້າໃນວຽກງານຄຸ້ມຄອງຄວາມເປັນລະ ບຽບຮຽບຮ້ອຍຢູ່ຕາມບໍລິເວນຊາຍແດນ ລະຫວ່າງສອງປະ ເທດ, ຊຶ່ງເປັນການປະກອບ ສ່ວນຢ່າງຕັ້ງໜ້າເຂົ້າໃນການ ເພີ່ມທະວີສາຍພົວພັນມິດຕະ ພາບທີ່ເປັນມູນເຊື້ອ, ຄວາມສາ ມັກຄີ ແລະ ການຮ່ວມມືຮອບ ດ້ານ ລາວ-ຫວຽດນາມ ທັງນີ້ ເພື່ອສ້າງຊາຍແດນຂອງສອງ ປະເທດໃຫ້ກາຍເປັນຊາຍແດນ ແຫ່ງສັນຕິພາບ, ມິດຕະພາບ ແລະ ການຮ່ວມມືພັດທະນາແບບຍືນຍົງຕະຫຼອດກາລະນານ. ນອກຈາກນັ້ນ, ສອງຝ່າຍ ຍັງເປັນເອກະພາບກັນວາງ ແຜນການປະຕິບັດວຽກງານໃນຕໍ່ໜ້າກ່ຽວກັບວຽກງານການຄຸ້ມຄອງຊາຍແດນ ລະຫວ່າງ ສອງປະເທດ, ໂດຍຈະສຸມໃສ່ ວຽກງານໂຄສະນາເຜີຍແຜ່ ລະບຽບການຄຸ້ມຄອງຊາຍແດນ, ການປົກປັກຮັກສາເສັ້ນຊາຍແດນ ແລະ ຫຼັກໝາຍຊາຍແດນລະຫວ່າງປະເທດ ໃຫ້ປະຊາຊົນຢູ່ຕາມບໍລິເວນຊາຍແດນເຂົ້າໃຈແຈ້ງກ່ຽວກັບເຂດອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນ ຂອງຊາດ.

ຄຽງຄູ່ກັນນັ້ນ ສອງຝ່າຍ ຈະເພີ່ມທະວີບັນດາມາດຕະ ການຊຸກຍູ້ໃຫ້ເສດຖະກິດ, ການຄ້າ, ວັດທະນະທຳ, ການ ທ່ອງທ່ຽວຢູ່ຕາມບໍລິເວນຊາຍແດນໃຫ້ມີການຂະຫຍາຍຕົວ, ຂຶ້ນແຜນຍຸດທະສາດ ແລະ ພັດ ທະນາດ່ານແຕ່ນີ້ຮອດປີ 2025 ແລະ ວິໄສທັດຮອດປີ 2035, ພ້ອມທັງເພີ່ມທະວີການຈັດຕັ້ງປະຕິບັດຂໍ້ຕົກລົງລະດັບລັດ ຖະບານ ວ່າດ້ວຍການແກ້ໄຂ ບັນຫາຜູ້ຍົກຍ້າຍຕັ້ງພູມລຳເນົາຕາມລຳພັງໃຈ ແລະ ສ້າງຄອບຄົວບໍ່ຖືກລະບຽບຢູ່ຕາມ ບໍລິເວນຊາຍແດນ ລາວ-ຫວຽດ ນາມ ໃຫ້ບັນລຸເປົ້າໝາຍທີ່ວາງໄວ້.


ພາບ-ຂ່າວ: ນສພ ປະຊາຊົນ
© ໂຕະນໍ້າຊາຂ່າວ | www.tonamchanews.com
___________

No comments

Powered by Blogger.