Header Ads

ທ່ານ ບຸນສະເຫຼີມໄຊ ເຄນນາວົງ ຕ້ອນຮັບຄະນະອົງການຮ່ວມມືສາກົນເພື່ອການພັດທະນາ ແຫ່ງ ສປ ຈີນ



ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະການສື່ສານ (ປທສ) ໄດ້ຕ້ອນຮັບ ທ່ານ ເຕິ້ງ ໂບຊິງ (Deng Boqing) ຮອງຫົວໜ້າອົງການຮ່ວມມືສາກົນເພື່ອການພັດທະນາ ແຫ່ງ ສປ ຈີນ ພ້ອມດ້ວຍຄະນະ ໃນຕອນເຊົ້າຂອງ ວັນທີ 11 ທັນວາ 2018 ທີ່ ສະຖາບັນເຕັກໂນໂລຊີການສື່ສານຂໍ້ມູນຂ່າວສານ. ໂດຍການເຂົ້າຮ່ວມ ຂອງ ທ່ານ ວິຈິດ ຊິນດາວົງ ຮອງປະທານຄະນະກຳມາທິການຮ່ວມມື ລາວ-ຈີນ ພ້ອມດ້ວຍຄະນະກະຊວງ ແຜນການ ແລະການລົງທຶນ. ໃນໂອກາດເດີ່ນທາງມາຢ້ຽມຢາມ ສປປ ລາວ ຢ່າງເປັນທາງການໃນລະຫວ່າງວັນທີ່ 9-12 ທັນວາ 2018



ການມາຢ້ຽມຢາມໃນຄັ້ງນີ້, ໄດ້ມີການປຶກສາຫາລືແລກປ່ຽນ ແລະເກັບກຳຂໍ້ມູນ ກ່ຽວກັບໂຄງການຊ່ວຍເຫຼືອກໍ່ສ້າງ-ຍົກລະດັບ ສະຖາບັນເຕັກໂນໂລຊີການສື່ສານຂໍ້ມູນຂ່າວສານ,ກະຊວງ ປທສ ທີ່ນອນໃນໂຄງການຊ່ວຍເຫຼືອລ້າ ທີ່ ລັດຖະບານ ສປ ຈີນ ຈະໃຫ້ການຊ່ວຍເຫຼືອລັດຖະບານ ສປປ ລາວ ທີ່ ພະນະທ່ານ ເລຂາທິການໃຫຍ່, ປະທານປະເທດຈີນ ປະກາດໃຫ້ການຊ່ວຍເຫຼືອແກ່ ສປປ ລາວ. ນອກນັ້ນ, ສອງຝ່າຍຍັງໄດ້ຕີລາຄາສູງ ຕໍ່ການພົວພັນຮ່ວມມືໃນໄລຍະຜ່ານມາ ແລະແລກປ່ຽນ ຄໍາຄິດຄໍາເຫັນກ່ຽວກັບທິດທາງໃນຕໍ່ໜ້າໃນການເພີ່ມທະວີການຮ່ວມມືໃນດ້ານ ໄອຊີທີ ເພື່ອປະກອບສ່ວນເຂົ້າການພັດທະນາເສດຖະ ກິດ-ສັງຄົມ, ນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດໃນອານາຄົດ.

ໃນຕອນທ້າຍ, ທ່ານ ເຕິ້ງ ໂບຊິງ (Deng Boqing) ພ້ອມດ້ວຍຄະນະ ກໍ່ໄດ້ສະແດງຄວາມຂອບໃຈ ທີ່ທ່ານ ຮອງລັດຖະມົນຕີ ກະຊວງ ປທສ ໄດ້ສະຫຼະເວລາອັນມີຄ່າ ຕ້ອນຮັບການເຂົ້າຢ້ຽມຢາມໃນຄັ້ງນີ້ ຢ່າງອົບອຸ່ນ ແລະ ໄດ້ມີການແລກປ່ຽນຄຳຄິດຄຳເຫັນ ຢ່າງກົງໄປກົງມາ.


ພາບ ແລະ ຂ່າວ: ປທສ
© ໂຕະນໍ້າຊາຂ່າວ | www.tonamchanews.com
___________

No comments

Powered by Blogger.