Header Ads

ທະຫານແຂວງຫຼວງພະບາງ ສຸມກຳລັງແຮງສ້າງຂະບວນການຕ້ອນຮັບວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ


ທ່ານ ພົນຈັດຕະວາ ບຸນຊູ ດວງຄຳມີ ຄະນະປະ ຈໍາພັກ ແຂວງ, ຫົວໜ້າການເມືອງກອງ ບັນຊາການທະຫານແຂວງຫຼວງ ພະບາງໄດ້ໃຫ້ກ່າວວ່າ: ເພື່ອ ເປັນການສືບຕໍ່ສ້າງຂະບວນ ການດ້ານຕ່າງໆໄວ້ຂໍ່ານັບຮັບ ຕ້ອນວັນສໍາຄັນຂອງຊາດ ໂດຍ ສະເພາະແມ່ນວັນສ້າງຕັ້ງ ກອງທັບປະຊາຊົນລາວ ຄົບ ຮອບ 70 ປີ ທີ່ຈະມາເຖິງໃນມໍ່ໆ ນີ້ໃຫ້ມີ ບັນຍາກາດເບີກບານ ມ່ວນຊື່ນ ແລະ ມີເນື້ອໃນຄວາມ ໝາຍເລິກ ເຊິ່ງກອງບັນຊາການ ທະຫານ ແຂວງຫຼວງພະບາງ ໄດ້ເປັນເຈົ້າການສືບຕໍ່ ສ້າງຂະ ບວນການ ແລະ ສຸມໃສ່ບັນດາ ໜ້າວຽກຫຼາຍດ້ານ ໂດຍສະ ເພາະແມ່ນວຽກງານປ້ອງກັນ ຊາດໄດ້ມີຄວາມສະຫງົບປອດ ໄພ ເຊິ່ງຜ່ານມາກອງບັນຊາ ການທະຫານແຂວງພວກເຮົາ ໄດ້ມີຄວາມຕັ້ງໜ້າໃນການຈັດ ຕັ້ງພະນັກງານຫັນລົງກໍ່ສ້າງ ຮາກຖານການເມືອງຢູ່ບັນດາ ບ້ານ,ຈຸດທີຫຼໍ່ແຫຼມ.



ພ້ອມນັ້ນ ຍັງໄດ້ປະສານສົມທົບນໍາໃຊ້ ກໍາລັງອອກເຄື່ອນໄຫວກວດ ກາສະພາບການ, ການປ້ອງກັນ ເວັນຍາມຕາມເສັ້ນທາງ ແລະ ຈຸດຫຼໍ່ແຫຼມທີ່ທຸລະກັນດ້ານຢູ່ເຂດ ຕ່າງໆເຮັດໃຫ້ສະພາບການໄປ ມາຫາສູ່ກັນລະຫວ່າງແຂວງຕໍ່ ແຂວງ ມີຄວາມສະຫງົບປອດໄພ, ນອກຈາກວຽກງານດັ່ງກ່າວ ທາງຄະນະພັກ – ຄະນະບັນຊາທະ ຫານແຂວງ ຫຼວງພະບາງ ໄດ້ ສຸມໃສ່ການຈັດຕັ້ງປະຕິບັດວຽກ ງານຕາມ 4 ໜ້າທີໃຫຍ່ 26 ແຜນງານ ທີ່ຄະນະພັກກະຊວງ ປ້ອງກັນປະເທດໄດ້ວາງອອກ. ໂດຍສະເພາະແມ່ນວຽກງານ ເຮັດສະພາບມີຄວາມສະຫງົບ, ວຽກງານປັບປຸງກໍ່ສ້າງກຳລັງ ແລະ ສຶກສາອົບຮົມການເມືອງ-ແນວຄິດໃຫ້ຖັນແຖວພະນັກ ງານສະມາຊິກພັກ-ນັກຮົບມີ ແນວຄິດການເມືອງທີ່ໜັກແໜ້ນ ເຊື່ອໝັ້ນຕໍ່ການນຳພາຂອງພັກ- ລັດ ແລະ ມີຄວາມຊື່ສັດບໍລິສຸດ ຕໍ່ພັກ-ຕໍ່ລັດ ແລະ ຕໍ່ປະຊາຊົນ. ໄປພ້ອມກັບການອົບຮົມຫັດ ແອບການເມືອງ-ການທະຫານ, ພະລາທິການ, ເຕັກນິກ, ການ ປັບປຸງລະບົບປະຈໍາການ,ປ້ອງ ກັນເວນຍາມ, ສໍານັກງານ-ອົງ ການ ແລະ ບັນດາກິດຈະການ ຂອງລັດໃຫ້ມີຄວາມສະຫງົບ ປອດໄພ.




ການປັບປຸງແກ້ໄຂຊີ ວິດການເປັນຢູ່ຂອງອ້າຍນ້ອງພະ ນັກງານ-ນັກຮົບໃຫ້ນັບມື້ດີຂຶ້ນ ເປັນກ້າວໆ. ຄຽງຄູ່ກັນນີ້ຍັງໄດ້ ປັບປຸງກໍ່ສ້າງຄ້າຍຄູຫັນເຂົ້າສູລະ ບົບທີ່ແໜ້ນໜາຖາວອນ,ສ້າງ ກົມກອງຕົວແບບ, ກົມກອງ ວັດທະນະທໍາ,ປັບປຸງລະບອບ, ລະບຽບໃຫ້ມີຄວາມໜັກແໜ້ນ ເຂັ້ມງວດ. ໄປພ້ອມໆກັບການສ້າງຂະບວນການດ້ານກີລາ- ວັນນະຄະດີຢ່າງເປັນຂະບວນ ຟົດຟື້ນ ແລະ ກ້ວາງຂວາງ. ຕິດພັນກັບການພົວພັນຮ່ວມມືກັບບັນດາປະເທດເພື່ອນມິດຍຸດທະສາດ ຕາມແນວທາງນະໂຍບາຍຂອງ ພັກ ເພື່ອບັນລຸເປົ້າໝາຍທີ່ໄດ້ ກໍານົດໄວ້.


ໂດຍ: ສົມພອນ ສຸວັນທອນ
© ໂຕະນໍ້າຊາຂ່າວ | www.tonamchanews.com
___________


No comments

Powered by Blogger.